शहरं
Join us  
Trending Stories
1
जातीच्या नावाने हिंदूंमध्ये फूट पाडण्याचा प्रयत्न; मराठा आंदोलनावरून नितेश राणेंचा दावा
2
कोट्यवधीचे दागिने, पोर्श, BMW सारख्या १० लग्झरी कार अन् रोकड...: ED च्या धाडीत सापडला 'खजिना'
3
Priya Marathe Passes Away: लोकप्रिय अभिनेत्री प्रिया मराठेचं निधन, कॅन्सरशी झुंज ठरली अपयशी
4
Nagpur Crime: ...अन् गर्लफ्रेंडच्या हत्येसाठी त्याने ऑनलाईन मागवला चाकू, एंजेलच्या हत्येपूर्वी काय काय घडलं?
5
निक्की मृत्यू प्रकरण: पेनड्राइव्ह अन् डॉक्टरच्या जबाबामुळे विपिनची फॅमिली सेफ; पुन्हा नवीन वळण
6
रिलायन्ससह टॉप १० पैकी ८ कंपन्यांचे २.२५ लाख कोटी रुपये बुडाले; फक्त 'या' २ कंपन्यांनीच कमावला मोठा नफा
7
Ratnagiri Crime: 'मैत्रिणीकडे चाललेय'; रत्नागिरीच्या भक्तीला प्रियकरानेच संपवलं, दुर्वास पाटील कसा अडकला?
8
Amit Shah: मुंबईकरांना बदल हवा, कामाला लागा; अमित शाहांचा भाजप नेत्यांना कानमंत्र!
9
भारत जगातील तिसरी मोठी अर्थव्यवस्था होणार; RBI गव्हर्नर मल्होत्रांचा मोठा दावा, कुणाला दिलं श्रेय?
10
एअर इंडियाच्या विमानाचे आपात्कालीन 'लँडिंग'; हवेत असतानाच इंजिनला लागली आग, प्रवासी सुखरूप
11
टॅरिफ वॉरदरम्यान PM मोदी आणि जिनपिंग यांची भेट; चीनचे राष्ट्राध्यक्ष म्हणाले,'एकत्र येणे महत्त्वाचे'
12
फक्त १ लाख रुपये जमा करून मिळवा १४,३२५ रुपये निश्चित व्याज! कॅनरा बँकेने आणखी खास FD योजना
13
'त्या' महिला पोलीस निरीक्षकाची बदली मॅटकडून रद्द
14
"आमच्या मालिकेवेळी तिला पुन्हा कॅन्सर...", प्रिया मराठेच्या निधनानंतर सुबोध भावेची भावुक पोस्ट
15
रोहित शर्माची झाली फिटनेस टेस्ट; ऑस्ट्रेलियाविरूद्ध वनडे मालिकेत खेळणार की नाही? जाणून घ्या
16
वर्दळीच्या सायन-पनवेल महामार्गावरील खाडीपुलावर गाड्यांची लांबचलांब रांग!
17
जि.प.च्या शाळेने सुरू केली सायकल बँक; कष्टकऱ्यांच्या लेकरांची थांबली पायपीट!
18
"माझा प्रॉब्लेम आहे, मंगळसूत्र चोरांच्या विरोधात मी लढत नाही"; जयंत पाटलांनी गोपीचंद पडळकरांना डिवचलं
19
Maharashtra Rains: महाराष्ट्रात पावसाचा कहर, तुमच्या जिल्ह्यात किती टक्के बरसला? जाणून घ्या आकडा
20
नंदुरबारमध्ये शिक्षणासाठी विद्यार्थ्यांचा नदीतून जीवघेणा प्रवास

बंद गोदामात आढळले अज्ञात व्यक्तीचे शिर

By admin | Updated: January 2, 2017 22:55 IST

कोराडी नाक्याजवळच्या बंद गोदामात एक मानवी शिर लटकवून असल्याचे आढळल्याने सर्वत्र खळबळ उडाली

ऑनलाइन लोकमतनागपूर, दि. 2 - कोराडी नाक्याजवळच्या बंद गोदामात एक मानवी शिर लटकवून असल्याचे आढळल्याने सर्वत्र खळबळ उडाली आहे. मृत तरुणाचे शिर वायरने (केबल) बांधून (लटकवून) ठेवले आहे, तर धड बेपत्ता आहे. शिराखाली खाली काही हाडंही पडून आहेत. त्यामुळे हा नरबळीचा प्रकार असल्याची जोरदार चर्चा परिसरात सुरू झाली आहे. कोराडी नाक्याजवळ हे गोदाम असून ते अनेक दिवसांपासून बंद असल्याचे सांगितले जाते. सूत्रांच्या माहितीनुसार, सोमवारी दुपारी काही जण गोदामाजवळ गेले. त्यातील एकाने बंद गोदामाच्या खिडकीतून डोकावले असता त्याला मानवी शिर लटकलेले दिसले. त्यामुळे घाबरून हे सर्व जण चौकाकडे पळत आले. नंतर सांगाड्याची वार्ता कर्णोपकर्णी सर्वत्र पोहोचली. त्यामुळे परिसरात खळबळ उडाली. माहिती कळाल्यानंतर सायंकाळी ५ च्या सुमारास कोराडी पोलिसांचा ताफा घटनास्थळी पोहचला. मृताचे शिर वायरने बांधून वर लटकवले होते. त्याचे धड बेपत्ता होते. शिराच्या खाली काही हाड़ं पडली होती. केस वगळता शिर पुरते कुजलेले होते. त्यामुळे हत्या करून पुरावा नष्ट करण्यासाठी आरोपींनी मृताचे धड कुठेतरी पुरले किंवा फेकून दिले असावे, असा पोलिसांकडून अंदाज बांधण्यात आला. खूप दिवसांपूर्वी हा प्रकार घडला असावा, असाही संशय आहे. पोलिसांनी मृताचे शिर आणि हाडं ताब्यात घेऊन ती रुग्णालयात पाठविली. त्यानंतर ती फॉरेंसिकलाही पाठविली जाणार आहे. दरम्यान, केवळ शिर आणि खाली काही हाडे आढळल्याने हा नरबळीचाच प्रकार असावा, अशी जोरदार चर्चा परिसरात सुरू झाली. मृत व्यक्तीने जर आत्महत्या केली असती तर त्याचे संपूर्ण शरीर तेथे गळफास लावलेल्या अवस्थेत दिसले असते, असा तर्क वजा अंदाज नागरिक व्यक्त करीत आहेत. उंदराने मृतदेह कुरतडला असता तर तेथे सर्व रक्तमास पडले असते. गोदाम बंद असल्यामुळे अन्य प्राणी तेथे शिरण्याची आणि धड पळविण्याची शक्यता नाही. मृताचे शिर वगळता संपूर्ण धड बेपत्ता असल्याने आणि खाली केवळ हाडं पडली असल्याने हा नरबळीचाच प्रकार असल्याच्या शंकेला पोलिसांकडून आॅफ द रेकॉर्ड दुजोरा दिला जात आहे. पोलिसांनी यासंदर्भात स्पष्टपणे बोलण्याचे टाळले आहे. मृत कोण, मारले कसे ? ज्याचे शिर लटकवून ठेवण्यात आले, तो तरुण कोण आहे आणि त्याला मारणारे आरोपी कोण आहे, ते तूर्त अंधारात आहे. पोलीस त्याचा तपास करीत आहेत. विशेष म्हणजे, खूप दिवसांपासून बंद असलेल्या गोदामात आरोपी शिरले कसे, असाही प्रश्न आहे. त्यांनी मृताची हत्या तेथेच केली आणि धड तेथून पळवून नेले की आधी हत्या केली आणि गोदामात नरबळीसाठी केला जातो, तसा पूजा विधी केला की काय, त्याबाबत कोराडी पोलिसांकडे वारंवार विचारणा करूनही माहिती मिळाली नाही. रात्री ९ वाजेपर्यंत गुन्हा दाखल व्हायचा आहे, असे पोलीस ठाण्यातून सांगितले जात होते.