पंढरीत ‘ज्ञानोबा-तुकाराम’चा गजर!

टाळ-मृदंगाच्या गजरात ‘ज्ञानोबा-तुकाराम’चा अखंड जयघोष करीत, राज्याच्या कानाकोपºयातून आलेल्या दिंड्या ६५ एकर क्षेत्रामध्ये विसावत आहेत़

प्रभू पुजारीपंढरपूर : टाळ-मृदंगाच्या गजरात ‘ज्ञानोबा-तुकाराम’चा अखंड जयघोष करीत, राज्याच्या कानाकोपºयातून आलेल्या दिंड्या ६५ एकर क्षेत्रामध्ये विसावत आहेत़ मंगळवारी कार्तिकी यात्रा सोहळा असल्याने रविवारीपासूनच दिंड्या पंढरी नगरीत दाखल होऊ लागल्या आहेत.कार्तिकी यात्रा सोहळ्यानिमित्त चंद्रभागा नदीपलीकडील ६५ एकर परिसरात प्रशासनाच्या वतीने ३७३ प्लॉट तयार करण्यात आले आहेत़ यामध्ये एकूण ३०० दिंड्यामधील सुमारे १ लाख ३५ हजार ते दीड लाख वारकºयांच्या निवासाची सोय करण्यात आल्याची माहिती मोहोळचे नायब तहसीलदार किशोर बडवे यांनी दिली़वारीसाठी आलेल्या वारकºयांसाठी प्रशासनाच्या वतीने ६५ एकर क्षेत्रांमध्ये विविध सोईसुविधा उपलब्ध करून दिल्या आहेत़ यामध्ये पाणी, वीज, तात्पुरती फायबरची स्वच्छतागृहे, प्रशस्त रस्ते आदी सुविधा देण्यात आल्या आहेत़ वारकºयांच्या सुरक्षिततेसाठी २४ तास पोलीस बंदोबस्त आहे़ या ठिकाणी प्रशासनाच्या वतीने आपत्कालीन सुविधा केंद्रही सुरू केले आहे़