मुंबई : मध्य रेल्वेकडून कोकणात गणोशोत्सवानिमित्त जाणा:या चाकरमान्यांसाठी विशेष गाडय़ा घोषित करण्यात आल्या. या रेल्वे गाडय़ांचे आरक्षण 19 जुलैपासून सुरू होताच अवघ्या पंधरा मिनिटांत त्या हाऊसफुल्ल झाल्या. एसी डबे सोडता अन्य डब्यांचे आरक्षण फुल्ल झाल्याचे रेल्वेने सांगितले.
कोकणात गणोशोत्सवानिमित्त जाणा:या नियमित ट्रेनचे आरक्षण सुरू होताच अवघ्या दोन मिनिटांत फुल्ल झाले होते. मांडवी, कोकणकन्या या ट्रेनचे आरक्षण अवघ्या काही मिनिटांत फुल्ल झाल्याने रेल्वे प्रशासनाच्या कारभारावर टीका झाली होती. मात्र कुठलाही गैरप्रकार झाला नसल्याचे त्यावेळी मध्य रेल्वेकडून स्पष्ट करण्यात आले. यानंतर मध्य रेल्वेकडून नुकतीच 90 आणि त्यानंतर आणखी सहा अशा विशेष गाडय़ांची घोषणा करण्यात आली. या ट्रेनचे आरक्षण 19 तारखेपासून सुरू करण्यात येत असल्याचे रेल्वेकडून जाहीर करण्यात आले.
घोषित करण्यात आलेल्या विशेष ट्रेनमध्ये 50 ट्रेन आरक्षित ट्रेन आहेत. मात्र आरक्षित ट्रेनची बुकिंग 19 जुलै रोजी सुरू होताच अवघ्या पंधरा मिनिटांत त्या फुल्ल झाल्या. 25 ऑगस्ट ते 28 ऑगस्टर्पयत विशेष ट्रेनचे आरक्षण हाऊसफुल्ल झाल्याचे मध्य रेल्वेचे मुख्य जनसंपर्क अधिकारी नरेंद्र पाटील यांनी सांगितले. 23 आणि 24 ऑगस्ट रोजी मुंबईतून धावणा:या ट्रेनमधील वातानुकूलित श्रेणीचे आरक्षण उपलब्ध आहेत. डबे उपलब्ध झाल्यास आणखी अनारक्षित गाडय़ा तसेच प्रिमियम गाडय़ाही चालवण्याचा विचार केला जाईल, असे पाटील म्हणाले. (प्रतिनिधी)
विशेष ट्रेनआरक्षण वेळ
01033-सीएसटी ते मडगावसकाळी 08.11
01041-मुंबई ते करमाळीसकाळी 08.10
01039-एलटीटी ते करमाळीदुपारी 12.46
01043-एलटीटी ते करमाळीसकाळी 08.08