ऑनलाइन लोकमत
नाशिक, दि. 12- शहरातल्या सिडको भागात दिवसाढवळ्या दोन गँगमध्ये जोरदार वॉर भडकलं आहे. यावेळी दोन्ही गँग समोरासमोर आल्यानं त्यांच्यात हाणामारीही झाली असून, गोळीबारही करण्यात आला. या गोळीबारात एक जण ठार झाला. तर एकाची प्रकृती चिंताजनक आहे. पूर्ववैमनस्यातून हे गँगवॉर भडकल्याची माहिती आता समोर येते आहे.
सिडको परिसरात रहदारीच्या स्टेट बँकच्या चौकात भरदिवसा गायकवाड-काळे-दांडेक-यांच्या गँगमध्ये वॉर भडकलं. या तिन्ही गँगमध्ये जोरदार हाणामारी झाली. लोखंडी सळ्या, लाठ्याकाठ्यांनी दोन्ही टोळ्यातील लोक एकमेकांवर वार करत होते. यावेळी त्यांच्याकडून गोळीबारही करण्यात आला.
या गोळीबारात अशोक दांडेकर हा ठार झाला. तर त्याचा सहकारी तात्या दांडेकर हा गंभीर जखमी आहे. या प्रकरणी पोलिसांनी आतापर्यंत 5 जणांना अटक केली आहे. यात दोन महिलांचा समावेश आहे. गोळीबार करणारा सराईत गुन्हेगार असल्याची माहिती पोलीस सूत्रांकडून मिळत आहे. शहरात गँगवॉर भडकल्यानं कायदा आणि सुव्यवस्थेचा प्रश्न गंभीर बनत चालला आहे.