ऑनलाइन लोकमत
पुणे, दि. १५ - शेतकरी आर्थिकदृष्टया भक्कम व्हावा यासाठी आपले संपूर्ण आयुष्य वेचाणारे शेतकरी नेते शरद जोशी यांच्यावर आज पुण्याच्या वैकुंठस्मशानभूमीत विद्युतदाहिनीत अंत्यसंस्कार करण्यात आले. मोठया संख्येने शेतक-यांनी त्यांच्या अंत्ययात्रेला गर्दी केली होती.
अत्यंसंस्कारापूर्वी शरद जोशी यांना शासकीय मानवंदना देण्यात आली. जोशी यांचे पार्थिव डेक्कन येथील नदीपात्रात सकाळी ९ वाजल्यापासून अंतिमदर्शनासाठी ठेवण्यात आले होते. कर्करोगाने ग्रस्त असणा-या शरद जोशी यांचे शनिवारी निधन झाले होते. त्यांच्या दोन्ही मुली परदेशात असल्यामुळे मंगळवारी अंत्यसंस्कार करण्यात आले. त्यांच्या दोन्ही कन्या सोमवारी रात्री पुण्यात दाखल झाल्या.