नारायणगाव (जि़ पुणे) : शिरोली बुद्रुककडे जाणाऱ्या चालकाचा ताबा सुटल्याने भरधाव जीप ट्रॅक्टरला धडकून झालेल्या भीषण अपघातात चारजण जागीच ठार झाल्याची घटना बुधवारी सकाळी सहा वाजता जुन्नर तालुक्यातील धनगरवाडी येथे घडली.दत्तात्रय उर्फ बाळू भिकन शिंदे (५०), प्रवीण मारूती बोऱ्हाडे (३२), सौरभ दिनकर बोऱ्हाडे (१६) , सचिन कारभारी मुळे अशी मृतांची नावे आहेत़ यामध्ये अन्य ९ जण जखमी झाले असून, त्यांच्यावर नारायणगाव येथील वेगवेगळ्या खासगी रुग्णालयांत दाखल करण्यात आले आहे़ बोऱ्हाडे कुटुंबीय नातेवाईकांसह जीपने नानीजला गेले होते. तेथून नारायणगाव मार्गे शिरोली बुद्रुककडे जात असताना धनगरवाडीजवळ जीपचालक महेंद्र बोऱ्हाडे याला डुलकी आल्याने जीपवरील ताबा सुटून समोरून येणाऱ्या ट्रॅक्टरला धडकली़ यात चारजणांचा जागीच मृत्यू झाला़ या घटनेनंतर खराब रस्त्यांचा पश्नही चर्चेत आला असून ग्रामस्थांनी ंसंताप व्यक्त के ला आहे. जखमींवर नारायणगाव येथील रूग्णालयांमध्ये उपचार सुरू आहेत. (प्रतिनिधी)
जीप-ट्रॅक्टर अपघातात चार ठार
By admin | Updated: October 23, 2014 03:18 IST