वाशिम जिल्ह्यात शेतकरी आत्महत्या

चिंचेच्या झाडाला गळफास घेऊन जीवनयात्रा संपवली.

धनज बु.(जि. वाशिम): सततची नापिकी आणि कर्जबाजारीपणाला कंटाळून धनज बु. येथील श्रीराम गोविंदराव खिराडे (६0) या शेतकर्‍याने चिंचेच्या झाडाला गळफास लावून आत्महत्या केल्याची घटना ५ नोव्हेंबर रोजी सकाळी १0 वाजताच्या सुमारास घडली. श्रीराम खिराडे यांच्याकडे भामदेवी शिवारात ६ एकर कोरडवाहू शेती आहे. त्यांच्याकडे जिल्हा मध्यवर्ती बँकेचे शाखा धनजचे जवळपास ७0 हजार रुपये आणि काही खासगी सावकारी कर्जही आहे.