ऑनलाइन लोकमत
दहिवड (नाशिक), दि. २६ - दहिवड ता.देवळा येथिल भौरी शिवारात चवताळलेल्या बिबट्याने हल्ला केल्याने शेतकरी गंभीर जखमी झाला असुन या घटनेने दहिवड, रामनगरपरिसरात बिबट्याची दहशत पसरली आहे. दहिवड येथिल भौरी शिवारात वाघ आल्याची बातमी पसरल्याने मोठमोट्याने होणारा आवाज ऐकुण कैलास त्र्यंबक बढे व नानाजी रतन सोनवणे हे युवक आपल्या शेतातुन बिबट्या हाकलण्यासाठी जात असतांना समोरून आलेल्या बिबट्याने अचानक कैलास बढे (35) याच्यावर हल्ला केला.त्यात कैलासच्या उजव्या खांद्याला, हाताला बिबट्याने चावा घेतल्याने तो गंभीर जखमी झाला.कैलास व नानाजी यांनी आरडाओरड करून परिसरीतील नागरिकांच्या मदतीने बिबट्याला परतुन लावल.ह्या हल्ल्यात जखमी झालेल्या कैलास यास दहिवड येथिल प्राथमिक आरोग्य केंद्रात प्राथमिक उपचार केल्यानंतर पुढील उपचारासाठी मालेगाव येथिल सामान्य रूग्णालयात दाखल करण्यात आ ले.