ऑनलाइन लोकमत
मुंबई, दि. 11 - अकरावी प्रवेशाची मुंबई विभागाची पहिली गुणवत्ता यादी रात्री १ वाजता ऑनलाइन जाहीर करण्यात आली. मेसेजद्वारे विद्यार्थ्यांना त्यांना मिळालेले महाविद्यालयाची माहिती देण्यात आली होती.
पहिल्या गुणवत्ता यादीत एकूण १ लाख ५६ हजार ५०७ विद्यार्थ्यांना प्रवेश मिळाला आहे. कला शाखेत १५ हजार ९१२, विज्ञान शाखेत ४७ हजार ४२७, वाणिज्य शाखेत ९२ हजार ८३ आणि द्विलक्षी अभ्यासक्रमासाठी १ हजार ८५ विद्यार्थ्यांना प्रवेश मिळाला आहे.
कोट्यामध्ये ३२ हजार ४७७ विद्यार्थ्यांना प्रवेश मिळाला आहे. व्यवस्थापनासाठी १ हजार ५३१, इन हाऊससाठी ११ हजार २९९, अल्पसंख्याकमध्ये १९ हजार ५७४ आणि द्विलक्षी अभ्यासक्रमासाठी ७३ विद्यार्थ्यांना प्रवेश मिळाला आहे.