ऑनलाइन लोकमत
मुंबई, दि. ५- रूळ ओलांडताना अपघात होऊ नये यासाठी रूळ ओलांडणा-यांविरोधात पश्चिम रेल्वेनं उघडलेल्या मोहिमेंतर्गत पश्चिम रेल्वे आरपीएफने तब्बल 16 हजार 674 केसेसची नोंद केली आहे. मात्र तरीही अपघातांची संख्या फारशी कमी झाल्याचे दिसून येत नाही. रुळ ओलांडणा-या जवळपास 16,674 प्रवाशांना पकडले असून, जवळपास 16,120 प्रवाशांवर दंडात्मक कारवाई केली आहे. यात 79 प्रवाशांचा मृत्यू झाला आहे.
कुठे घडतात प्रकार ?
दादर, माहीम, वांद्रे, खार, सांताक्रूझ, अंधेरी, जोगेश्वरी, गोरेगाव, मालाड, कांदिवली, बोरिवली, नालासोपारा, वसई, विरार या स्टेशन्सजवळ मोठ्या प्रमाणात रुळ ओलांडण्याचे प्रकार घडतात.
उपाय काय योजले ?
रुळ ओलांडून अपघात होऊ नये यासाठी पश्चिम रेल्वे आणि एमआरव्हीसीने नवीन पादचारी पूल बांधण्याचे नियोजन केले आहे. रेल्वे अर्थसंकल्पातही पादचारी पुलांसाठी आर्थिक निधी पश्चिम रेल्वेला मिळाला आहे.