ऑनलाइन लोकमत
सोलापूर, दि. २८ - सोलापुरातील एका नामवंत थ्री स्टार हॉटेलमध्ये माजी आमदारासह शहरातील नामवंत व्यापारी अंदर बाहर नामक जुगार खेळताना पकडले. सदर बझार पोलिसांनी त्यांच्याविरुद्ध गुन्हा दाखल केला आहे. सोमवारी मध्यरात्री ही कारवाई करण्यात आली पहाटे पाचच्या सुमारास गुन्हा नोंदवण्यात आला.
शहरातील गांधीनगर परिसरातील नामवंत थ्री स्टार हॉटेलमधील रुम नं. ३१० मध्ये अंदर बाहर नावाचा जुगार बेकायदेशीरपणे खेळला जात असल्याची खबर सदर बझार पोलिसांना मिळाली. यावरुन त्यांनी घटनास्थळी जाऊन छापा टाकला असता शहरातील नामवंत मंडळी जुगार खेळत असल्याचे आढळून आले. यामध्ये माजी आमदार रतिकांत शंकरप्पा पाटील (वय ४७, रेल्वे लाईन, सोलापूर), प्रकाश तेजराज जैन (वय ६१, रा. कुमठा नाका, सोलापूर), शिवशरण रेवणसिद्धप्पा तंबाके (वय ५०, रा. बाळीवेस), सूर्यकांत शंकरप्पा पाटील (वय ५८, शुक्रवार पेठ, सोलापूर), केतन मनसुखलाल व्होरा (वय ५८, रेल्वे लाईन्स, सोलापूर), श्रीकांत महादेव जोशी (वय ६१, रा. निरापाम सोसायटी, विजापूर रोड, सोलापूर), दीपचंद जगदीश राठी (वय ४८, बुधवार पेठ, पंधे कॉलनी, सोलापूर) यांचा समावेश आहे.
या प्रकरणी पो.कॉ. घोडके यांनी सदर बझार पोलीस ठाण्यात फिर्याद दिली असून, आरोपींविरुद्ध मुंबई जुगार कायद्यान्वये गुन्हा दाखल झाला आहे. सदर आरोपींना नोटीस बजावून सोडल्याचे पोलीस सूत्रांनी सांगितले. अधिक तपास फौजदार कोकणे करीत आहेत.