सेल्फी काढताना धबधब्यात बुडून मृत्यू

तोल गेल्याने पवन नामदेव शिंदे (वय २०, रा.धुळे) याचा पाटणादेवी (ता. चाळीसगाव) येथील धवलतीर्थ धबधब्याच्या पाण्यात बुडून मृत्यू झाला

ऑनलाइन लोकमतजळगाव, दि. 4 - सेल्फी काढत असताना तोल गेल्याने पवन नामदेव शिंदे (वय २०, रा.धुळे) याचा पाटणादेवी (ता. चाळीसगाव) येथील धवलतीर्थ धबधब्याच्या पाण्यात बुडून मृत्यू झाला. ही घटना ४ रोजी दुपारी साडेबारा वाजता घडली. पवन हा धबधबा पाहण्यासाठी आला होता. स्वत:च्या मोबाईलमध्ये सेल्फी काढत असताना त्याचा तोल गेला आणि तो धबधब्यालगतच्या डोहात बुडाला. पोलीस पाटील मनोज साहेबराव परदेशी यांच्या फिर्यादीवरुन चाळीसगाव ग्रामीण पोलिसात अकस्मात मृत्यूची नोंद करण्यात आली आहे.