ऑनलाइन लोकमत
नाशिक, दि. 31 - मुंबई-आग्रा महामार्गावर अज्ञात वाहनाने धडक दिल्याने एका नर बिबट्याचा मृत्यू झाला आहे. महामार्गावरील गजबजलेल्या घोटी टोल नाक्याजवळ ही घटना घडली. दरम्यान, या घटनेची माहिती टोलनाका कर्मचा-यांनी पोलीस व वन विभागाला कळविल्यानंतर या मृत बिबट्याचा पंचनामा करून शवविच्छेदन करण्यात आले. बिबट्या नर असून तो पाच ते सहा वर्षचा आहे तसेच त्याची उंची अंदाजे तीन फूट व लांबी साडे पाच फूट तर वजन 90 किलो असल्याची माहिती वनविभागाच्या अधिकाऱ्यांनी दिली.