डॉ. मेधा खोले यांच्याविरोधात पोलिसांनी कारवाई केल्याने पुण्यातील मराठा क्रांती मोर्चा स्थगित

हवामान खात्याच्या संचालिका डॉ. मेधा खोले यांच्याविरोधात पोलिसांनी कायदेशीर कारवाई सुरु केल्याने २५ सप्टेंबर रोजी पुण्यात काढण्यात येणारा मराठा क्रांती मोर्चा स्थगित करण्यात आला आहे़ मराठा क्रांती मोर्चाचे समन्वयक शांताराम कुंजीर आणि पदाधिकाºयांनी गुरुवारी पत्रकार परिषदेत ही माहिती दिली़

पुणे : हवामान खात्याच्या संचालिका डॉ. मेधा खोले यांच्याविरोधात पोलिसांनी कायदेशीर कारवाई सुरु केल्याने २५ सप्टेंबर रोजी पुण्यात काढण्यात येणारा मराठा क्रांती मोर्चा स्थगित करण्यात आला आहे़ मराठा क्रांती मोर्चाचे समन्वयक शांताराम कुंजीर आणि पदाधिकाºयांनी गुरुवारी पत्रकार परिषदेत ही माहिती दिली़कुंजीर म्हणाले की, डॉ. खोले यांनी स्वयंपाकी महिला निर्मला यादव यांच्याविरोधात तक्रार करू नये, यासाठी मराठा क्रांती मोर्चाच्या कार्यकर्त्यांनी पोलीस ठाण्यात विनंती केली होती. परंतु, खोले यांनी ती धुडकावत तक्रार दाखल केली होती. आमच्या विनंतीची दखल घेऊन पोलीस अधिकाºयांनी निर्मला यादव यांच्या अदखलपात्र गुन्ह्याचे रूपांतर दखलपात्र गुन्ह्यात करून प्रथम वर्ग न्याय दंडाधिकारी गुळवे-पाटील यांच्याकडून परवानगी घेऊन तपास चालू केला आहे. त्यामुळे मोर्चा स्थगित करण्यात आला आहे.२७ सप्टेंबर रोजी सकाळी ११ वाजता बालगंधर्व रंगमंदिर येथे मराठा अस्मिता परिषद आयोजित करण्यात आल्याचे कुंजीर यांनी सांगितले.