ऑनलाइन लोकमत
सोलापूर, दि. 10- हत्तरसंग कुडल येथे भीमा नदीत पोहण्यास गेलेल्या शाहीद सय्यद (रा. २०३ डांगे शॉपिंग सेंटर, नालासोपारा वेस्ट, जि़.पालघर) या २२ वर्षीय तरुणाचा बुडून मृत्यू झाल्याची घटना मंगळवारी सकाळी ९ वाजता घडली. याबाबत मंद्रुप पोलिसांनी दिलेली माहिती अशी की, पालघर जिल्ह्यातील नालासोपारा येथील १४ लोक मुस्लिम धर्माच्या प्रसारासाठी मंद्रुप भागात आले होते. हे १४ लोक मंगळवारी सकाळी अंघोळीसाठी कुडल येथील चिदानंद शामराव पाटील यांच्या शेताजवळील भीमा नदीपात्रात अंघोळीसाठी उतरले होते. यावेळी मोहित हयात खान हे मृत्युमुखी पडलेल्या शाहीदला पाण्यात जाऊ नको, असे सांगत होते. मात्र शाहीदने त्यांचं ऐकले नाही़. त्यामुळे पाण्याच्या वेगात त्याचा बुडून मृत्यू झाला. याबाबत मंद्रुप पोलीस ठाण्यात नोंद करण्यात आली आहे. पुढील तपास पोलीस हेडकॉन्स्टेबल धनाजी गाडे हे करीत आहेत.