नाचता येईना.. अंगण वाकडं !

मुलांनोऽऽ, आज तुम्हाला काही म्हणी शिकवतो. घ्या पटापटा लिहून.

(स्थळ : गावाबाहेरच्या शाळेत गुरुजी म्हणींचा अभ्यास घेण्यात मग्न.. तर वर्गाबाहेर पारावर बसलेले कार्यकर्ते पेपरातल्या राजकीय बातम्या जोरजोरात वाचण्यात दंग.)गुरुजी : मुलांनोऽऽ, आज तुम्हाला काही म्हणी शिकवतो. घ्या पटापटा लिहून.कार्यकर्ते : (मथळे वाचत) नाशिकमध्ये कॉँग्रेस आघाडीची म्हैस पाण्यातच !गुरुजी : बैल गेला अन् झोपा केला.कार्यकर्ते: ‘महायुतीचा धर्म पाळा, अन्यथा स्वबळावर लढणार !’ - इति विनायक मेटे अन राजू शेट्टी.गुरुजी : नागोबा-म्हसोबा पैशाला दोन. पंंचमी झाल्यावर पुजतंय कोण ?कार्यकर्ते : निवडणुकीत नोटाबंदीचा सत्ताधाऱ्यांना त्रासदायक ठरणार !गुरुजी : ऐन दिवाळीत दाढदुखी !कार्यकर्ते : भाजप-शिवसेनेच्या जागा वाटपाचा तिढा अजूनही सुटेना.गुरुजी : तुझं माझं जमेना... तुझ्या वाचून करमेना.कार्यकर्ते : ‘आघाडी’च्या बिघाडीचा खरा केंद्रबिंदू साताऱ्यातच. - सुनिल तटकरे यांचा पृथ्वीराज चव्हाण यांना टोला. गुरुजी : नाचता येईना.. अंगण वाकडं !कार्यकर्ते : राज ठाकरे यांची घोषणा, ‘युतीसाठी कुणाचा प्रस्ताव आल्यास नक्की विचार करू.’गुरुजी : तेल गेलं, तूप गेलं..हाती धुपाटणे आलं !कार्यकर्ते : अजितदादा पवार यांचा गंभीर आरोप, ‘भाजप सध्या गुंडांचा पक्ष बनलाय!’गुरुजी : सौ चुहे खा के बिल्ली... वर्गातली मुलं : पण गुरुजी.. ही म्हण नेमकी कुणासाठी ?गुरुजी : दोघांसाठीही ! म्हणजे उंदीर अन् मांजरासाठी..कार्यकर्र्ते : भाजपमध्ये ‘इनकमिंग’ वाढल्याने युतीसाठी इच्छुक असलेल्या शिवसैनिकांची कोंडी.गुरुजी : करायला गेले नवस अन् आज निघाली अवस ! कार्यकर्ते : निवडणूक आयोगाच्या फतव्यानुसार प्रचारातला नाष्ट्याचा दर म्हणे केवळ पंधरा रुपये. इच्छुक उमेदवार हैराण.गुरुजी : तोंड दाबून बुक्क्याचा मार!कार्यकर्र्ते : ‘मुंबईत भावी महापौर कुणाचा?’ यावरून भाजप-शिवसेनेत संघर्ष.गुरुजी : बाजारात तुरी अन् ७७ ७७७ ला मारी!कार्यकर्ते : ‘महायुती’तल्या इतर घटक पक्षांनाही म्हणे निवडणुकीत भरपूर जागा हव्यात.(एवढ्यात गुरुजींना ठसका लागतो. ते पाणी पिऊ लागतात. तोपर्यंत मुलंच पुढची अस्सल गावरान म्हण सांगतात.) वर्गातली मुलं : (एकसुरात) पायलीची सामसूमअन् चिपट्याची धामधूम.- सचिन जवळकोटे