बदलापूर : दहावीत शिकणाऱ्या बदलापुरातील प्रगती चव्हाण या विद्यार्थीनीचा सोमवारी म्हणजेच परीक्षेच्या आदल्यादिवशी रेल्वे अपघातात मृत्यू झाला आहे. हा अपघात आहे की आत्महत्या हे अद्याप स्पष्ट झालेले नाही. मात्र या विद्यार्थीनीला अभ्यासाचा कोणताच ताण नव्हता असे तिच्या घरच्यांनीच स्पष्ट केले आहे. बदलापूर बॅरेज रोड परिसरातील महक अपार्टमेंटमध्ये ती राहणारी प्रगती ही याच परिसरातील खामकर विद्यालयात शिकत होती. मंगळवारी १० वीचा पहिला पेपर असल्याने ती आदल्या दिवशी क्लासमध्ये पेपर कसा लिहावा या संदर्भातील मार्गदर्शन शिबिराला जाण्यासाठी निघाली. घरातून सोमवारी दुपारी निघाल्यावर अवघ्या अर्धा तासात तिच्या घरच्यांना पोलिसांचा फोन आला. तिचा अपघात झाल्याचे त्यांना कळताच त्यांनी घटनास्थळी धाव घेऊन तिला बदलापुरातील खाजगी आणि नंतर कल्याणमध्ये उपचारासाठी दाखल केले.मात्र डोक्याला गंभीर दुखापत झाल्याने तिचे रात्री ८.४५ वाजता निधन झाले. मंगळवारी दुपारी तिच्यावर अत्यंसंस्कार करण्यात आले. मात्र तिचा अपघात झाला कसा हा संभ्रम अद्याप कायम आहे. प्रत्यक्ष पाहणाऱ्यांपैकी काहीजण प्रगती रेल्वेमधून पडल्याचे सांगत आहे. तर काही जणांच्या म्हणण्यानुसार तिला लोकलची धडक बसली असे सांगत आहेत. (प्रतिनिधी)
दहावीच्या विद्यार्थिनीचा रेल्वे अपघातात मृत्यू
By admin | Updated: March 2, 2016 03:16 IST