ऑनलाइन लोकमत
रत्नागिरी, दि. ६ - गेल्या काही दिवसांपासून कोकण रेल्वेच्या मार्गातील येणारी विघ्ने कायम असून कोकण रेल्वे पुन्हा एकदा ठप्प झाली आहे. शनिवारी कोकणकन्या एक्स्प्रेसने रेल्वेमार्गावर आडव्या आलेल्या ६ म्हशींना उडवले असून म्हशींची शिंगे इंजिनच्या फॅनमध्ये अडकल्याने एक्स्प्रेस खोळंबली आहे. कणकवली- नांदगावदरम्यान हा अपघात घडला असून गेल्या दीड तासापासून रेल्वेमार्ग ठप्प आहे.