येरवडा : उच्चशिक्षित आईने पोटच्या १३ वर्षीय मुलाला कोंडून ठेवत त्याची उपासमार करून लाकडी बॅटने जबर मारहाण करीत खून केल्याची खळबळजनक घटना उघडकीस आली आहे. माणुसकीलाच काळिमा फासणारी ही घटना विश्रांतवाडीजवळील टिंगरेनगरमध्ये घडली. या खुनामागचे कारण अद्याप स्पष्ट नसून अनैतिक संबंधांना अडथळा ठरत असल्याने हा खून करण्यात आल्याचा प्राथमिक अंदाज पोलिसांनी व्यक्त केला आहे.
चैतन्य तरुण बालपांडे असे खून झालेल्या मुलाचे नाव आहे. याप्रकरणी त्याची आई राखी तरुण बालपांडे (वय ३६, रा. फ्लॅट क्र.१, एस.बी.एनक्लेव, रस्ता क्र.१, टिंगरेनगर) हिला अटक करण्यात आली आहे. पोलिसांनी दिलेल्या माहितीनुसार, बालपांडे कुटुंबीय मूळचे नागपूरचे आहे. शास्त्र विषयात पदवीधर (बीएस्सी) असलेल्या राखीचा १५ वर्षांपूर्वी प्रेमविवाह झाला होता. मात्र अलीकडील काळात तिचे पतीसोबत पटत नव्हते. दीड वर्षात ती अलिप्त राहू लागली. घटस्फोटाचा दावा न्यायालयात दाखल (पान ७ वर) राखी चैतन्यला पोटभर खायलाही देत नव्हती, असे पोलिसांनी सांगितले.