ऑनलाइन लोकमत
नागपूर, दि. २३ - मुलाला मारहाण होत असल्याचे पाहून समजवायला धावलेल्या महिलेच्या छातीवर आणि गळळ्यावर चाकूचे घाव घालून शेजारच्या तरुणाने तिची भीषण हत्या केली.
रविवारी रात्री १०.४५ वाजता यशोधरानगर पोलीस ठाण्याच्या हद्दीत ही थरारक घटना घडली. ज्योती पप्पूजी शिंदे (वय ६५) असे मृत महिलेचे नाव असून, आरोपीचे नाव महेंद्र महादेव बिनेकर (वय ३३) आहे. आरोपीच्या हल्ल्यात मृत महिलेचा मुलगा कपिल (वय २६) हाही जबर जखमी झाला. माहिती कळताच यशोधरानगर पोलिसांनी घटनास्थळी जाऊन आरोपीला अटक केली.