खामगाव : रेल्वे प्रवासादरम्यान युवतीचा विनयभंग प्रकरणी मनमाड रेल्वे पोलिसांनी २० एप्रिल रोजी खामगाव येथून महाराष्ट्र केमिस्ट अ‍ॅन्ड ड्रगिस्ट असोसिएशनचे अनिल नावंदर यांना पोलिसांनी अटक करुन मनमान येथे घेवून गेले.
४ एप्रिल रोजी अनिल नावंदर यांनी रेल्वे प्रवासादरम्यान विनयभंग केल्याची फिर्याद अकोला येथील २७ वर्षीय युवतीने बडनेरा रेल्वे पोलिस स्टेशनला दिली होती. या फिर्यादीवरुन रेल्वे पोलिसांनी अनिल नावंदर यांच्याविरुध्द गुन्हा दाखल करुन घटनास्थळ मनमान रेल्वे पोलिस स्टेशन हद्दित येत असल्याने प्रकरण मनमाड रेल्वे पोलिस स्टेशनकडे वर्ग केले होते. दरम्यान याप्रकरणी मनमाड रेल्वे पोलिसांनी १८ एप्रिल रोजी मनमाड येथे हजर होण्याचे समन्स अनिल नावंदर यांना बजाविले होते. मात्र अनिल नावंदर हे हजर झाले नव्हते. त्यामुळे मनमाड रेल्वे पोलिस स्टेशनचे एपीआय बोराटे यांनी २० एप्रिल रोजी खामगाव येथे येवून अनिल नावंदर यांना अटक केली. (प्रतिनिधी)