अहमदनगर : पांगरमल दारूकांड प्रकरणातील फरार आरोपी राजू बुगे याचा ओतूरजवळील (जि़ पुणे) सुंबरवाडी फाट्याजवळ मंगळवारी सायंकाळी अज्ञात वाहनाच्या धडकेत मृत्यू झाला़ दरम्यान, मृत्यूच्या कारणाबाबत संशय व्यक्त करण्यात येत आहे़शहरातील नालेगाव परिसरात राहणारा राजू बुगे याच्यावर बनावट दारू प्रकरणात एमआयडीसी पोलीस ठाण्यात गुन्हा दाखल आहे़ बनावट दारू बनविण्यासाठी बुगे हा आरोपी याकुब शेख याला रिकाम्या बाटल्या, झाकणे व केमिकल पुरविण्याचे काम करत होता़ याकुबच्या चौकशीत बुगे याचे नाव निष्पन्न झाले होते. त्यानंतर गेल्या १५ दिवसांपासून बुगेच्या मागावर होते़ दरम्यान, मंगळवारी सायंकाळी ६च्या सुमारास ओतूरपासून साडेचार किमी अंतरावरील सुंबरवाडी फाट्यावर अज्ञात वाहनाच्या धडकेत त्याचा मृत्यू झाला़ या प्रकरणी ओतूर पोलीस ठाण्यात नोंद करण्यात आली आहे. नगर पोलिसांना याबाबत माहिती देण्यात आली आहे. (प्रतिनिधी)
आरोपीचा अपघाती मृत्यू
By admin | Updated: March 23, 2017 02:31 IST