मुंबई : मध्य आणि कोकण रेल्वे सीमारेषेच्या वादाचा मोठा फटका एसी डबल डेकरला पहिल्याच दिवशी बसला. रोहापुढे डबल डेकर नेण्यास मध्य रेल्वेच्या लोको पायलटने नकार दिला आणि ही ट्रेन तब्बल सव्वा तास स्थानकात रखडली. रोहापुढे कोकण रेल्वेचा की मध्य रेल्वेचा लोको पायलट जाणार, या रंगलेल्या वादानंतर कोकण रेल्वेकडून लोको पायलट देण्यात आला आणि डबल डेकर ट्रेन पुढे रवाना झाली.
गणोशोत्सवानिमित्त कोकण- वासीयांसाठी एसी डबल डेकर ट्रेन 22 ऑगस्टपासून मध्य आणि कोकण रेल्वेकडून सुरू करण्यात आली. शुक्रवारी ही ट्रेन एलटीटीहून पहाटे साडेपाचच्या सुमारास सुटली. मात्र सकाळी 8.35 च्या सुमारास डबल डेकर ट्रेन रोहा स्थानकात आल्यानंतर या ट्रेनचे लोको पायलट असलेले बी. सी. सिंग यांनी पुढे जाण्यास नकार दिला. ट्रेन जागेवरून हलत नसल्याने प्रवासीही अवाक् झाले. कोकण रेल्वेकडून या लोको पायलटला विनंती केल्यानंतरही लोको पुढे जाण्यास तयार नव्हता. अखेर याची माहिती मध्य रेल्वेला देण्यात आली. मात्र मध्य आणि कोकण रेल्वेत लोको पायलट देण्यावरून बराच वाद रंगला. अखेर कोकण रेल्वेकडून लोको पायलट दिल्यानंतर ही ट्रेन सकाळी 9.50 च्या सुमारास रोहा स्थानकातून सुटली. मात्र ही ट्रेन सव्वा तास का थांबली याची माहिती प्रवाशांना मिळाली नसल्याने प्रवाशांकडून संताप व्यक्त करण्यात आला.
2012 मध्ये मध्य व कोकण रेल्वेच्या बैठकीत मुंबई ते रत्नागिरीर्पयत मध्य रेल्वेचा लोको पायलट लांब पल्ल्याच्या गाडय़ांवर असेल, असे मध्य रेल्वेकडूनच स्पष्ट करण्यात आले होते.
च्मध्य रेल्वेचे महाव्यवस्थापक सुनील कुमार सूद म्हणाले, की रत्नागिरीर्पयत एसी डबल डेकर नेण्याची जबाबदारी आमचीच होती. चालन विभागाकडून त्याची माहिती बरोबर घेण्यात आली नाही आणि ती देण्यातही आली नाही. त्याच्या कागदपत्रंतच हा गोंधळ उडाला.
च्एसी डबल डेकर यापुढेही धावणार असून, यासाठी मी कोकण रेल्वेला सध्यातरी रोहापुढे लोको पायलट तुमचा देण्यात यावा, अशी विनंती केली आहे.