ऑनलाइन टीम
सातारा, दि. १३ - देवदर्शनाहून परत येणा-या भाविकांवर कराडजवळ काळाने झडप घातली. कराडजवळ शुक्रवारी सकाळी ट्रक-जीपच्या भीषण अपघातात ९ जण ठार झाले आहेत. मृत नागरिक पुण्याचे रहिवासी असून कोल्हापूरहून ज्योतिबाचे दर्शन घेऊन परत येत असताना हा अपघात झाला. अपघातात एकाच कुटुंबातील पाच जण ठार झाल्याचे समजते.
पुणे- बंगळुरू महामार्गावर कराडजवळील पेरले गावाजवळ शुक्रवारी सकाळी सहाच्या सुमारास एका जीपने ट्रकला जोरदार धडक दिली. हा अपघात एवढा भीषण होता की जीपमधील ९ प्रवासी जागीच ठार झाले. जीपमध्ये पुणे, शिक्रापूरमधील एकूण २२ प्रवासी होते.