चंद्रकांत कित्तुरे, कोल्हापूरसाखरेवरील अधिभारात प्रतिक्विंटल शंभर रुपयांनी वाढ करून तो १२४ रुपये करण्याचा निर्णय केंद्र सरकारने घेतला आहे. त्यामुळे साखरेच्या विक्रीवर प्रतिक्विंटल ७१ रुपये अबकारी कर आणि १२४ रुपये अधिभार, असे १९५ रुपये कराच्या रुपाने आकारले जाणार आहेत. सोमवारपासून निर्णयाची अंमलबजावणी करणार असल्याचे विश्वसनीय सूत्रांनी सांगितले.कराची रक्कम केंद्राच्या साखर विकास निधीत जमा होणार आहे. उपरोक्त निधीतून अडचणीतील साखर कारखान्यांना मदत, कारखान्यांचे विस्तारीकरण तसेच ऊस उत्पादकांना एफआरपीप्रमाणे दर देण्यासाठी अनुदान अथवा सवलतीच्या दराने कर्ज दिले जाते. सध्या साखरेच्या विक्रीवर प्रतिक्विंटल २४ रुपये अधिभार लावला जातो. तो २०० रुपयांपर्यंत वाढविण्याची तरतूद करणाऱ्या विधेयकाला राष्ट्रपती प्रणव मुखर्जी यांनी जानेवारी महिन्यातच मंजुरी दिली आहे. त्यानंतर साखरेच्या विक्रीवर प्रतिकिलो एक रुपया म्हणजेच प्रतिक्विंटल १०० रुपये अधिभार वाढविण्याचा निर्णय केंद्र सरकारने घेतला. त्याची अंमलबजावणी जानेवारी की फेब्रुवारीपासून करायची, याचा निर्णय झाला नव्हता. १ फेब्रुवारीपासून वाढीव अधिभार लागू करण्याचा निर्णय झाल्याचे साखर उद्योगातील विश्वसनीय सूत्रांनी रविवारी सांगितले. सोमवारीच त्याची घोषणा केली जाईल, असे सांगण्यात आले. साखर उत्पादन घटणारगेल्या साखर हंगामात साखरेचे विक्रमी २८० लाख टन इतके उत्पादन झाले होते. त्याचप्रमाणे जगभरातील साखर उत्पादनातही वाढ झाल्याने जागतिक पातळीवरच साखरेचे भाव कोसळले होते. परिणामी, अनेक कारखान्यांना उसाला एफआरपी इतकाही दर देणे कठीण बनले होते. देशाच्या अनेक भागात दुष्काळी स्थिती आहे. परिणामी, यंदा उत्पादन २६० टनांवर येईल, असा अंदाज ‘इस्मा’ या साखर उद्योगाच्या शिखर संघटनेने वर्तविला आहे.
साखर अधिभारात १०० रुपयांची वाढ
By admin | Updated: February 1, 2016 02:58 IST