उदगीर शहरात पाेलीसांनी मारला जुगार अड्डयावर छापा

पाेलिसांनी सांगितले, उदगीर ग्रामीण पाेलीस ठाण्याच्या हद्दीमध्ये एका पत्र्याच्या शेडमध्ये तिर्रट नावाचा जुगार सुरु हाेता. याबाबत पाेलिसांनी खबऱ्यामार्फत माहिती मिळाली. या माहितीच्या आधारे उदगीरचे उपविभागीय पाेलीस अधिकारी डॅनियल बेन यांच्या पथकाने शुक्रवारी रात्री ११ उशिरा शिवधाम साेसायटीसमाेर असलेल्या शेखर कानमंदे यांच्या मालकीच्या शेडवर छापा मारला. यावेळी शेडमध्ये बंद खाेलीत लाइटच्या उजेडामध्ये बेकायदेशीरपणे स्वत:च्या फायद्यााठी पत्त्यावर पैसे लावून तिर्रट नावाचा जुगार खेळत असल्याचे आढळून आले. यावेळी राेख ३८ हजार, माेटारसायकल आणि कारसह ५ लाख ९ हजार ४०० रुपयांचा मुद्देमाल जप्त केला आहे. याबाबत उदगीरच्या ग्रामीण पोलीस ठाण्यात शेखर प्रभूराव कानमंदे, संतोष राठोड, बबन, शिरीष कांबळे, सुरज मुळगे, अहमद शेख, राहुल राठोड, राम आडे, मारोती सोमवंशी, कालिदास, अजय राठोड यांच्याविरुद्ध महाराष्ट्र जुगार प्रतिबंधक कायद्यानुसार गुन्हा दाखल करण्यात आला आहे.