आता प्रत्येकाला आपल्या हाती असलेला स्मार्टफाेन, संगणक अतिशय काळजीपूर्वक वापरण्याची गरज आहे. साेशल मीडियामध्ये माेठ्या प्रमाणावर बनावट मेसेज व्हायरल केले जात आहेत. यातून दाेन समाजात तेढ निर्माण हाेणे, एखाद्याची जाणीवपूर्वक बदनामी करणे, फसवणूक करण्याचे प्रकार झाले आहेत. या सर्व हालचालींवर सायबर सेलची करडी नजर आहे.
साेशल मीडियाचा वापर करा सांभाळून...
शालेय, महाविद्यालयीन मुला-मुलींसह सर्वच नागरिकांनी साेशल मीडियाचा वापर सांभाळून करण्याची गरज आहे.
आपल्या व्हाॅटस्ॲप, फेसबुक, ट्विटरवर आलेल्या मेसेजची खातरजमा करून घ्यावी, त्यानंतरच लाइक, शेअर आणि फाॅरवर्डचा निर्णय घ्यावा.
अशी घ्या काळजी...
एखाद्या व्हाॅटस्ॲप ग्रुपमध्ये आपला माेबाइल नंबर समाविष्ट केल्यानंतर ताे ग्रुप काेण चालविताे, त्यातील इतर व्यक्ती काेण आहेत, याची शहानिशा करण्याची गरज आहे.
आपल्याला बनावट खात्यावरून कुठला मेसेज येत नाही ना, याची चाैकशी, खातरजमा करावी. यातून आपली फसवणूक हाेण्याची शक्यता अधिक असते.
विविध स्वरूपाचे मेसेज, फाेटाे दिवसभरात येतात. यावेळी याची सत्यता पडताळूनच त्यांना लाइक, शेअर आणि फाॅरवर्ड करण्याचा निर्णय घ्यावा.
मुलींनाे डीपी सांभाळा...
व्हाॅटस्ॲप, फेसबुक आणि इतर साेशल मीडिया वापरताना मुलींनी अधिक काळजी घेण्याची गरज आहे. डीपीवर आपला फाेटा ठेवत असाल तर सावधानता बाळगली पाहिजे. आपल्या फाेटाेचा गैरवापर हाेण्याची अधिक शक्यता असते. यासाठी सांकेतिक फाेटाे डीपीला ठेवावा. ठेवलाच तर ताे डीपी लाॅक करावा, ज्यातून तुमचा फाेटाे काेणी डाऊनलाेड करणार नाही. साेशल मीडियात माेठ्या प्रमाणावर बनावट खाते उघडून अनेकांची फसवणूक केली जात असल्याचे समाेर आले आहे.
साेशल मीडियावर बदनामी, अनेकांवर गुन्हे दाखल...
साेशल मीडियामध्ये ठरवून एखाद्याला बदनाम करणे, त्याबाबत चुकीच्या पाेस्ट, फाेटाे आणि माहिती व्हायरल करणे, सतत त्यांची बदनामी हाेईल, अशा प्रकारे मेसेज व्हायरल केल्याप्रकरणी अनेकांवर गुन्हे दाखल करण्यात आले आहेत. यातून सायबर सेल आणि त्या-त्या पाेलीस ठाण्यांच्या प्रमुखांची करडी नजर आहे. दाेन समाजांत तेढ निर्माण हाेईल असे मेसेज व्हायरल केल्याप्रकरणीही गुन्हे दाखल आहेत.
आक्षेपार्ह पाेस्टबाबत संपर्क करा...
साेशल मीडियात एखादी आक्षेपार्ह पाेस्ट व्हायरल हाेत असेल, संशयास्पद वाटत असेल तर नागरिकांनी तातडीने सायबर सेल अथवा संबंधित जवळच्या पाेलीस ठाण्याशी संपर्क साधावा. अनेकदा एखाद्या बनावट मेसेज, लिंकमधून फसवणूक हाेण्याची अधिक शक्यता हाेते. यासाठी नागरिकांनी दक्षता बाळगण्याची गरज आहे.
- निखिल पिंगळे, पाेलीस अधीक्षक, लातूर