गरोदर माता, स्तनदा माता, किशोरवयीन मुली, ० ते ६ वर्षे वयोगटातील बालकांचे आरोग्य सुदृढ राहावे व कुपोषणाचे प्रमाण कमी व्हावे यासाठी आहाराचे, कडधान्य व भाज्यांच्या प्रदर्शनाचे उद्घाटन जिल्हा परिषदेचे अध्यक्ष राहुल केंद्रे यांच्या हस्ते झाले. अध्यक्षस्थानी उपसरपंच प्रताप पाटील होते, तर प्रमुख पाहुणे म्हणून समाजकल्याण सभापती रोहिदास वाघमारे, महिला व बालकल्याण सभापती ज्योती राठोड, कृषी सभापती गोविंद चिलकुरे, पोलीसपाटील उत्तमराव वाघमारे, उपमुख्य कार्यकारी अधिकारी देवदत्त गिरी, बालविकास प्रकल्प अधिकारी शोभा घोडके उपस्थित होते.
याप्रसंगी मुलगी जन्माचे स्वागत, दोनच मुली असलेल्या माता-पित्यांचे अभिनंदन, गरोदर मातेची वटभरणी यासारख्या कार्यक्रमाच्या आयोजनाने सभागृहात कौटुंबिक आणि भावनिक वातावरण निर्माण झाले होते. शोभा घोडके यांनी प्रास्ताविक केले. धम्मपाल सरोदे यांनी सूत्रसंचालन केले, तर ग्रामविकास अधिकारी उत्तम भदाडे यांनी आभार मानले.
यशस्वितेसाठी आशा मोरे, सुनीता महाके, श्रीदेवी कांबळे, शोभा हाके, सुशील शिंदे, वर्षा बलशेटवार, प्रियंका शिवनखेडे, आशा कथमवाड, सुनीता डुरे यांच्यासह अंगणवाडी कार्यकर्ती व मदतनीस, ग्रामपंचायत सदस्य रणधीर पाटील, विक्रम भोसले, राहुल वाघमारे, गजेंद्र वलसे, जयंत सगर, सुनंदा वलसे, उषा वाघमारे, राजे ताई यांनी परिश्रम घेतले.