मास्क आवश्यक, पण असे करा त्वचेचे रक्षण
कोरोनाचा संसर्ग टाळण्यासाठी मास्क वापरणे आवश्यक आहे. परंतु, मास्क आठ तासानंतर बदलणे आवश्यक आहे. कॉटनचा मास्क धुऊन वापरता येतो.
एकच मास्क न धुता वापरणे चुकीचे असून, यामुळे इन्फेक्शन होण्याची शक्यता असते.
गच्च बांधून ठेवल्याने चेहऱ्याला काळे डाग पडतात. त्यामुळे एकटे असताना थोडावेळ मास्क बाजूला ठेवता येऊ शकतो.
स्वच्छता बाळगणे गरजेचे
ज्यांना सतत रुग्णाजवळ जायचे आहे त्यांना एन ९५ मास्कची गरज असते. ज्यांना रुग्णाजवळ जाण्याची गरज नाही, त्यांनी कॉटनचा मास्क वापरावा. तो धुऊनही वापरता येतो. सध्या पिंपल्स आणि डाग पडलेले काही विचारण्यासाठी येतात. परंतु, खाज किंवा अन्य त्रास मास्कमुळे होत असल्याच्या काही तक्रारी नाहीत. - डॉ. अजय ओव्हळ, त्वचारोगतज्ज्ञ
सॅनिटायझरपेक्षा साबण बरे
घरामध्ये सॅनिटायझर वापरण्यापेक्षा साबणाचा वापर केला तर कधीही चांगलेच.
कार्यालयात अथवा बाहेर असताना साबणाचा वापर करता येणे शक्य नसेल किमान घरी साबणाचा वापर करावा.