उदगीर शहराला बनशेळकी प्रकल्पातून पाणीपुरवठा होतो. गेल्या चार- पाच वर्षांपासून मुबलक पाऊस होत असल्याने हा प्रकल्प दरवर्षी पूर्णपणे भरत आहे. यंदाही बनशेळकी तलाव पूर्णपणे भरल्याने नगराध्यक्ष बसवराज बागबंदे, उपनगराध्यक्ष सुधीर भोसले, मुख्याधिकारी भारत राठोड, पाणीपुरवठा सभापती मनोज पुदाले यांच्या हस्ते जलपूजन करण्यात आले.
यावेळी गटनेते मंजुरखान पठाण, ॲड. दत्ता पाटील, गणेश गायकवाड, ॲड. सावन पस्तापुरे, शमशोद्दीन जरगर, ताहेर हुसेन, श्रीरंग कांबळे, फैयाज शेख, निवृत्ती सांगवे, अनिल मुदाले, राजकुमार भालेराव, रामेश्वर पवार, महेबूब शेख, अमोल अनकल्ले, पप्पू गायकवाड, नाना हाश्मी, आनंद बुंदे, पाशा बेग, अभियंता सुनील कटके यांच्यासह पालिकेच्या पाणीपुरवठा विभागाचे कर्मचारी उपस्थित होते.
यावेळी नगराध्यक्ष बागबंदे म्हणाले, तलाव पूर्णपणे भरलेला असला तरी सध्या विजेच्या व मोटारीच्या काही तांत्रिक अडचणीमुळे पाणीपुरवठा अनियमित होत आहे. लवकरच दुरुस्ती करण्यात येऊन उदगीरकरांना तीन ते चार दिवसाला पाणीपुरवठा करण्याचा आमचा प्रयत्न राहणार आहे.