...
सैन्यदलात निवड, ग्रामस्थांतर्फे सत्कार
हाळी हंडरगुळी : येथील शुभम मसूरे, धीरज माने, आदर्श मसूरे, वसीम चौधरी, संदीप माने, राहुल कांबळे यांची मागील महिन्यात सैन्य दलात भरती झाल्याने त्यांचा गावकऱ्यांच्यावतीने सत्कार करण्यात आला. अध्यक्षस्थानी एन.डी. मसुरे हाेते. यावेळी सेवानिवृत्त सैनिक प्रकाश लोखंडे, शिवानंद कांबळे, प्रा. अनिल गायकवाड, माजी जि.प. सदस्य दयानंद कांबळे, ज्ञानोबा कांबळे, अशोक मसूरे, विशाल मसूरे यांची उपस्थिती होती. सूत्रसंचालन प्रा. रवि मसूरे यांनी केले. आभार कुमार मसूरे यांनी मानले.
...
हलगरा येथे महिला शिक्षण दिन उत्साहात
औराद शहाजानी : हलगरा येथील डॉ. शिवाजीराव पाटील विद्यालयात महिला शिक्षण दिन उत्साहात साजरा करण्यात आला. यावेळी प्राचार्य रमेश मदरसे यांची प्रमुख उपस्थिती होती. यावेळी मैथिली गायकवाड, तनुजा दूधभाते आदींनी मनोगत व्यक्त केले. यावेळी वक्तृत्व, रांगोळी, निबंध, शुद्धलेखन स्पर्धा घेण्यात आल्या. प्रास्ताविक प्रताप जाधव यांनी केले. सूत्रसंचालन प्रा. मारुती पांचाळ यांनी केले.