लातूर शहरातील गांधी चाैक, शिवाजीनगर, एमआयडीसी, विवेकानंद चाैक आणि लातूर ग्रामीण पाेलीस ठण्यांच्या दप्तरी फरार आराेपींची संख्या माेठी आहे. जानेवारी २०१७ ते ऑगस्ट २०२१ या काळात जिल्ह्यातील विविध पाेलीस ठाण्यांच्या हद्दीत तब्बल ८१४ आराेपींना फरार घाेषित करण्यात आले आहे. त्यांच्या अटकेसाठी गत पाच वर्षांपासून स्थानिक पाेलीस आणि विशेष पाेलीस पथक प्रयत्नशील आहेत. मात्र, आराेपींकडून या पथकांना चकवा दिला जात आहे. पाेलीस अधीक्षक निखिल पिंगळे यांनी या आराेपींची क्राइम हिस्ट्री कलेक्ट केली आहे. आता या आराेपींचे सर्च ऑपेरशन सुरू करण्यात आले आहे. गत दाेन महिन्यांत १४ जणांना अटक करण्यात आली आहे. जानेवारी ते डिसेंबर २०१७ मध्ये २२५ आराेपी फरार झाले हाेते. त्यातील ४८ जणांना अटक करण्यात आली. २०१८ मध्ये २०९ आराेपी फरार हाेते. त्यातील ४४ जणांना अटक झाली. २०१९ मध्ये १६२ आराेपी फरार झाले तर त्यातील ४९ जणांच्या मुसक्या आवळण्यात आल्या आहेत. २०२० मध्ये ११३ अट्टल गुन्हेगार फरार झाले. त्यातील केवळ ८ आराेपींना अटक करण्यात आली. तर ऑगस्ट २०२१ अखेर १०५ गुन्हेगार फरार झाले असून, १ आराेपी हाती लागला आहे.
अटकेसाठी विशेष माेहीम...
पाेलिसांच्या रेकाॅर्डवर फरार असलेल्या अट्टल, खतरनाक गुन्हेगारांच्या अटकेसाठी सर्च ऑपरेशन सुरु आहे. सध्याला या आराेपींना अटक करणे हा प्राधान्याचा विषय आहे. त्यासाठी त्या-त्या पाेलीस ठाण्यांच्या स्तरावर, स्थानिक गुन्हे शाखेचे पथक आणि विशेष पथकांची नियुक्ती केली आहे. गत दाेन महिन्यांत १४ अट्टल गुन्हेगार पाेलिसांच्या जाळ्यात अडकले आहेत. ही माेहीम वर्षभर सुरु राहणार आहे. - निखिल पिंगळे, पाेलीस अधीक्षक, लातूर
फरार ओराेपींची आकडेवारी...
वर्ष फरार आराेपी अटक आराेपी
२०१७ २२५ ४८
२०१८ २०९ ४४
२०१९ १६२ ४९
२०२० ११३ ०८
२०२१ १०५ ०१
एकूण ८१४ १५०