त्या जिल्ह्यात जि.प.च्या १२६९ शाळा असून, त्यामध्ये ५ हजार २७८ तर खासगीच्या १ हजार २५८ शाळा असून, यामध्ये १२ हजार ५१४ शिक्षक कार्यरत आहेत. यापैकी जि.प.च्या ४ हजार ४६३ तर खासगीच्या ७ हजार ३२६ शिक्षकांनी लसीचे दोन्ही डोस घेतले आहेत. दरम्यान, ज्यांचे लसीकरण बाकी आहे, त्यांनी लवकरात लवकर लसीकरण करून घेण्याच्या सूचना शिक्षण विभागाच्यावतीने देण्यात आल्या आहेत.
११ हजार ७९० शिक्षकांचे लसीकरण पूर्ण...
जिल्ह्यात जिल्हा परिषदेच्या शिक्षकांची ५ हजार ७२८ तर खासगी शाळांतील शिक्षकांची १२ हजार ५१४ संख्या आहे. यापैकी जि.प.च्या ४ हजार ४६३ तर खासगीच्या ७ हजार ३४६ शिक्षकांचे लसीकरणाचे दोन्ही डोस झाले आहेत. तर जिल्हा परिषदेच्या ८५६ आणि खासगी शाळांतील २ हजार १२२ शिक्षकांनी लसीकरणाचा पहिला डोस घेतला असल्याचे शिक्षण विभागाच्यावतीने सांगण्यात आले. दरम्यान, शिक्षकांच्या लसीकरणासाठी आरोग्य विभाग आणि मनपाच्यावतीने विशेष कॅम्प घेण्यात आले. त्याला चांगला प्रतिसाद मिळाला आहे.
लस घेण्याच्या शिक्षकांना सूचना...
जिल्ह्यातील सर्वच माध्यमांच्या शिक्षकांना लसीकरण पूर्ण करण्याच्या सूचना आहेत. बहुतांश जणांचे लसीकरण झाले आहे. ज्यांचे लसीकरण बाकी आहे, त्यांनी लवकरात लवकर लस घेऊन सहकार्य करावे. शाळांना याबाबत सूचना करण्यात आल्या आहेत. त्यानुसार शाळांच्यावतीने प्रत्येक शिक्षक, शिक्षकेत्तर कर्मचाऱ्याला लसीकरणासाठी प्रोत्साहन दिले जात असल्याचे जिल्हा परिषदेच्या शिक्षण विभागाच्यावतीने सांगण्यात आले.
तालुकानिहाय लसीकरण बाकी शिक्षक...
लातूर - २१३३
रेणापूर - २९९
औसा - ६९
निलंगा - २८८
शि.अनंतपाळ - ०७
देवणी - ८३
उदगीर - १९८
जळकोट - ००
अहमदपूर - १८१
चाकूर - ३७