संकटसमयी लोकांच्या मदतीसाठी पुढे येण्याचा कोल्हापुरी बाणा कौतुकास्पद आहे. कोल्हापूरच्या विकासासाठी सर्वच क्षेत्रातील लोक राजकारणविरहित काम करताना पाहून आनंद झाल्याचे आमदार पवार यांनी सांगितले. यावेळी आमदार पाटील यांनी विविध स्वयंसेवी संस्थांच्या प्रतिनिधींना कोल्हापूरच्या विकासाच्या प्रश्नांबाबत आमदार पवार यांच्यासमवेत चर्चा करण्यासाठी निमंत्रित केले. आपत्ती व्यवस्थापन, पर्यटन वृद्धी, आयटी पार्क विस्तार, रोजगार वाढविण्याचे प्रयत्न, विमानतळ विकास, नाईट लँडिंग, आदी विषयांवर चर्चा झाली. त्यामध्ये ‘गोकुळ’चे संचालक नविद मुश्रीफ, केडीएमजीचे इंद्रजित नागेशकर, व्हाईट आर्मीचे अशोक रोकडे, स्मॅकचे अध्यक्ष अतुल पाटील, फोर्टी वनर्स क्लबचे अध्यक्ष उत्तम फराकटे, क्रिडाई कोल्हापूरचे अध्यक्ष विद्यानंद बेडेकर, बावडा रेस्क्यू फोर्सचे मानसिंग जाधव यांनी सहभाग घेतला. यावेळी गोकुळचे संचालक बाबासाहेब चौगले, माजी गटनेते शारंगधर देशमुख, आदिल फरास, गौतम परमार, प्रदीप भारमल, राजू लिंग्रस, प्रकाशभाई मेहता, दीप संघवी, दुर्गेश लिंग्रस, राहुल देसाई, सचिन पाटील, अर्जुन माने, अशपाक आजरेकर, मानसिंग जाधव, विजय पाटील, अभिजित पाटील-बेनाडीकर उपस्थित होते. प्राचार्य डॉ. महादेव नरके यांनी सूत्रसंचालन केले.
चौकट
हा संवाद कौतुकास्पद
काँग्रेसचे आमदार ऋतुराज पाटील यांनी राष्ट्रवादी काँग्रेसचे आमदार रोहित पवार यांच्यासोबत आमचा संवाद घडविला. कोल्हापूरच्या पर्यायाने महाराष्ट्राच्या विकासासाठी युवा आमदार पक्षीय झूल बाजूला ठेवून करत असलेले प्रयत्न कौतुकास्पद असल्याची प्रतिक्रिया उत्तम फराकटे यांनी व्यक्त केली.
चौकट
रोहित पवार यांचा पूरग्रस्तांना मदतीचा हात
कोल्हापुरातील पूरग्रस्तांना आमदार रोहित पवार यांनी मदतीचा हात दिला. त्यांनी कागल तालुक्यातील काही पूरबाधित गावे आणि शहरातील पुराचा फटका बसलेल्या परिसराला भेट देऊन तेथील नागरिकांशी संवाद साधून त्यांना धीर दिला. कर्जत जामखेड मतदारसंघातील नागरिक आणि बारामती ऍग्रो कंपनीच्या माध्यमातून पूरग्रस्त नागरिकांना मदत केली. त्यात सोलापुरी चादर, बिस्कीट पुडे, पाण्याच्या बॉटल, सॅनिटरी नॅपकिन्स, क्लोरीन पावडर, मॅगी नुडल्स, माचीस, मास्क यांचा समावेश आहे.
फोटो (२९०७२०२१-कोल-युवा आमदार संवाद) : कोल्हापुरातील विविध प्रश्नांबाबत आमदार रोहित पवार आणि आमदार ऋतुराज पाटील यांनी स्वयंसेवी संस्थांच्या प्रतिनिधींशी गुरुवारी संवाद साधला.
290721\29kol_5_29072021_5.jpg
फोटो (२९०७२०२१-कोल-युवा आमदार संवाद) : कोल्हापुरातील विविध प्रश्नांबाबत आमदार रोहित पवार आणि आमदार ऋतुराज पाटील यांनी स्वयंसेवी संस्थांच्या प्रतिनिधींशी गुरूवारी संवाद साधला.