कोल्हापूर : साजणी येथे ट्रॅक्टरखाली विश्रांती घेत असलेल्या महिलेच्या पायावरून चाक गेल्याने ती गंभीर जखमी झाली. गीता हरसिंग सस्ते (सध्या रा. साजणी, मूळ रा. मध्य प्रदेश) असे जखमीचे नाव आहे. तिला जखमी अवस्थेत सीपीआर रुग्णालयात उपचारासाठी दाखल केले. याची नोंद सीपीआर पोलीस चौकीत झाली.
गांधीनगरात एकास मारहाण
कोल्हापूर : गांधीनगर बस थांब्याजवळ थांबलेल्या युवकास अज्ञात चारजणांनी मारहाण केली. त्याला जखमी अवस्थेत सीपीआर रुग्णालयात उपचारासाठी दाखल केले. सोहम मुबारक पठाण (वय २०, रा. मणेर मळा, उचगाव) असे जखमीचे नाव आहे. याची नोंद सीपीआर पोलीस चौकीत झाली.
ट्रकवरून पडून एक जण जखमी
कोल्हापूर : हातकणंगले येथे उभा असलेल्या ट्रकवरून त्याच ट्रकचा चालक पडून जखमी झाला. पेरूमल कृष्णा कोनार असे जखमीचे नाव आहे. त्याला जखमी अवस्थेत उपचारासाठी सीपीआर रुग्णालयात दाखल केले. याची नोंद सीपीआर पोलीस चौकीत झाली.
मारहाणीत युवक जखमी
कोल्हापूर : विक्रमनगरात बुधवारी रात्री झालेल्या मारहाणीत एकजण जखमी झाला. इम्तियाज नईम मुल्लाणी (वय २१, रा. विक्रमनगर) असे जखमी युवकांचे नाव आहे. जखमी अवस्थेत नातेवाइकांनी उपचारासाठी त्याला सीपीआर रुग्णालयात दाखल केले. याची नोंद सीपीआर पोलीस चौकीत झाली.