कोल्हापूर : कोल्हापूर, सांगली, सातारा, रत्नागिरी, सिंधुदुर्ग, सोलापूर या जिल्ह्यांमध्ये पालकांनी दाखवलेला विश्वास आणि ‘चाटे पॅटर्न’च्या मदतीने विद्यार्थ्यांने घेतलेली यशस्वी भरारी हीच आमची शिदोरी आहे. यावरच पुढेही विद्याथ्र्यांना गरजेनुसार ऑनलाईन व ऑफलाईन स्वरूपात मार्गदर्शन करून त्यांना प्रोत्साहन देऊ, असे प्रतिपादन चाटे कोल्हापूर विभागाचे संचालक प्रा. डॉ. भारत खराटे यांनी केले. चाटे शिक्षण समूहाची सुरुवात कोल्हापुरात नियोजन, अध्ययन, अध्यापन, बोर्डाची परीक्षा पद्धती, विद्यार्थ्यांची मानसिकता, पालकांच्या आशा-आकांक्षा, परीक्षा पद्धतीमधील बारकावे, आदर्श उत्तरे यांचा सखोल अभ्यास करून चर्चा, विचारविनिमय करून अनेक प्रयोग केले. त्यातील प्रत्येक प्रयोग म्हणजे विद्यार्थ्यांच्या दृष्टीने यशाची पायरी ठरली.
शिक्षण प्रणालीमध्ये आमूलाग्र बदल होत आहे. विद्यार्थ्यांचा प्रवास अधिक सुखकर होण्यासाठी समूहाने आपली तयारी पूर्ण केली आहे. राज्य व राष्ट्रीय पातळीवर अभ्यासक्रम बदलत आहे. एक भाग म्हणून कोल्हापुरात कात्यायनी परिसरामध्ये २५ एकर जागेमध्ये भव्य चाटे संकुल सुरू केले आहे.
आठवी ते बारावी आणि नीट, जेईई, सीईटी परीक्षामध्ये उज्ज्वल यशाची परंपरा आम्ही अधिक उज्ज्वल करत आहोत. समूहामध्ये क्लासेस, स्कूल, ज्यु. कॉलेज, श्री भास्कराचार्य प्रतिष्ठान, आय.आय.टी सेंटर, चाटे पब्लिकेशन्स, चाटे किड्स, चाटे समर व्हेकेशन प्रोजक्ट, चाटे टेस्ट सिरीज या सर्व संस्थांतील नियोजन अधिक उत्कृष्ट ठेवण्यासाठी गुणवत्तेत कधीही तडजोड केलेली नाही म्हणूनच कोल्हापूर विभाग २४व्या वर्षात पदार्पण करत आहे. संस्थापक प्रा. मच्छिंद्र चाटे आणि प्रा. गोपीचंद चाटे यांचे मार्गदर्शन आणि शिक्षण क्षेत्राची नवी गरज व आव्हाने यासाठी आम्ही नेहमीच सज्ज आहोत.
फोटो : १२०४२०२१-कोल-भारत खराटे