नॉर्थब्रिया पदाधिकाऱ्यांची घोडावत इन्स्टिट्यूटला भेट

नॉर्थब्रिया विद्यापीठ नॉर्थ इंग्लंडमध्ये आहे. पहिल्यांदा एक पॉलिटेक्निक सुरू करून नंतर विद्यापीठ बनले

कोल्हापूर : इंग्लंड येथील नॉर्थब्रिया विद्यापीठाचे इंटरनॅशनल डेव्हलपमेंन्ट अ‍ॅन्ड रिक्रुटमेंटचे डायरेक्टर जोसेफ एलेन, इंटरनॅशनल मॅकॅनिकल अँड कन्स्ट्रक्शन इंजिनिअरिंगचे असोसिएट डीन डेव्हीड बेल, आदी मान्यवरांनी संजय घोडावत इन्स्टिट्यूटला आज, सोमवारी भेट दिली. यावेळी संजय घोडावत इन्स्टिट्यूटमधील इंजिनिअरिंग व मॅनेजमेंटचे शिक्षण घेत असलेल्या विद्यार्थ्यांना जागतिक पातळीवर जाण्याची संधी निर्माण करून देणे आणि नॉर्थब्रिया विद्यापीठमधील पदव्युत्तर तसेच थेट प्रोग्रामसाठी मार्ग मोकळा करून देण्यासंंबंधी चर्चा झाली. नॉर्थब्रिया विद्यापीठ नॉर्थ इंग्लंडमध्ये आहे. पहिल्यांदा एक पॉलिटेक्निक सुरू करून नंतर विद्यापीठ बनले. नॉर्थब्रिया विद्यापीठ व संजय घोडावत इन्स्टिट्यूट दरम्यान पदवी, पदव्युत्तर कोर्ससाठी संलग्नितता प्रस्थापित करणे हा मुख्य उद्देश भेटीचा होता. विविध शॉर्ट टर्म कोर्सेस सुरू करण्यासंबंधीही चर्चा झाली. यावेळी संस्थेचे विश्वस्त विनायक भोसले, शैक्षणिक सल्लागार डॉ. व्ही. ए. रायकर, प्रा. नीलेश सबनीस यांच्यासह विविध विभागप्रमुखांनी स्वागत केले. नॉर्थब्रिया विद्यापीठ व संजय घोडावत इन्स्टिट्यूट दरम्यान संलग्निता झाल्यास सांगली, कोल्हापूर येथील विद्यार्थ्यांना लाभ होणार आहे. नॉर्थब्रिया विद्यापीठचे पदाधिकारी संजय घोडावत इन्स्टिट्यूट भेटीसाठी एज्युअलायन्स एज्युकेशनल कन्सल्टंट प्रा. लि. कोल्हापूरचे व्यवस्थापकीय संचालक आनंद हांडूर यांनी विशेष परिश्रम घेतले. ( प्रतिनिधी )