३०४ गावांत ‘एक गाव, एक गणपती’

लोकमत न्यूज नेटवर्ककोल्हापूर : जिल्ह्यात डॉल्बीमुक्त गणेशोत्सव साजरा करण्याचा निर्धार सुमारे ९०० गावांतील मंडळांनी घेतला आहे. त्याचबरोबर ३०४ गावांत ‘एक गाव, एक गणपती’ संकल्पना राबविण्यात आली आहे. यंदाच्या गणेशोत्सवात ७ हजार १३० मंडळांचा समावेश असल्याची माहिती पोलीस अधीक्षक संजय मोहिते यांनी शुक्रवारी पत्रकारांशी बोलताना दिली.गणेशोत्सव डॉल्बीविरहित करण्याची परंपरा गेल्या तीन-चार वर्षांपासून सुरू आहे. त्याला संपूर्ण जिल्ह्यातून भरघोस प्रतिसादही मिळत आहे. यंदाचाही गणेशोत्सव डॉल्बीमुक्त करण्यासाठी पोलीस दलाच्यावतीने जनजागृती केली जात आहे. जिल्ह्णांतील गावा-गावांत सार्वजनिक मंडळांच्या बैठका घेऊन गणेशोत्सव शांततेत व डॉल्बीविरहित साजरा करण्याचे आवाहन केले जात आहे. त्याला मंडळाच्या कार्यकर्त्यांनीही प्रतिसाद दिला असून ३०४ गावांत ‘एक गाव, एक गणपती’ व सुमारे ९०० गावांत ‘डॉल्बी मुक्त गणेशोत्सव’ साजरा करण्याचा निर्णय ग्रामस्थांनी घेतला आहे. कोल्हापूर शहरात राजारामपुरी-शाहूनगर कॉलनीत सामूहिकरित्या गणेशोत्सव साजरा करण्याचा निर्णय झाला आहे.पोलीस उपविभागीय हद्दीनुसार आकडेवारीविभाग मंडळे एकगणपतीकोल्हापूर शहर ९२२ ०१करवीर १७२८ १५इचलकरंजी १४८७ ०१जयसिंगपूर १०२१ ०३शाहूवाडी १३६३ ९७गडहिंग्लज ६०९ १८७