कोल्हापूर : पाटणा (बिहार) येथे झालेल्या १३ व्या अखिल भारतीय निमंत्रित रियल गोल्ड रोलर स्केटिंग स्पर्धेत कोल्हापूरच्या वेदांतिका संदीप माने हिने प्रथम क्रमांक पटकाविला. तिची या कामगिरीवर नेपाळ येथे होणाऱ्या आंतरराष्ट्रीय स्पर्धेसाठी निवड झाली.
रोलर स्केट बास्केटबाॅल फेडरेशन इंडिया व रोलर स्केट बास्केटबाॅल असोसिएशन ऑफ बिहार यांच्यावतीने भरविण्यात आलेल्या या स्पर्धेत महाराष्ट्र, दिल्ली, पंजाब, बिहार, कर्नाटक आदी राज्यांतील सुमारे १०० हून अधिक स्पर्धक सहभागी झाले होते. या स्पर्धेत कोल्हापूरच्या वेदांतिकाने आठ वर्षाखालील इनलाईन प्रकारात प्रथम क्रमांक पटकाविला. या कामगिरीवर तिची नेपाळ येथे होणाऱ्या आंतरराष्ट्रीय स्पर्धेसाठी निवड झाली. ती माईसाहेब बावडेकर प्रशालेत शिकत असून, तिला प्रशिक्षक शुभांगी कांबळे यांचे मार्गदर्शन लाभले.
फोटो : १५०९२०२१-कोल-वेदांतिका माने