लोकमत न्यूज नेटवर्क
नेसरी : नेसरी (ता. गडहिंग्लज) येथील वैशाली सुनील सुतार यांना गडहिंग्लज अंधश्रद्धा निर्मूलन समितीने जटामुक्त केले. नेसरी परिसरातील हे सोळावे जटानिर्मूलन आहे.
सुतार या गेल्या ७ वर्षांपासून जटेसह वावरत होत्या. जटा वाढल्याने मानेवर ताण येऊन त्यांना मानेचा त्रास सुरू झाला होता. देवीचा त्रास होईल, या भीतीने त्या जटामुक्त होण्यास घाबरत होत्या. मात्र, ‘अंनिस’चे कार्यकर्ते व चुलत भाऊ सुभाष सुतार यांनी त्यांचे प्रबोधन करून त्यांना जटामुक्त केले.
जटा निर्मूलनानंतर वैशाली यांचा प्रज्ञा भोईटे यांच्या हस्ते साडी-चोळी देऊन सत्कार करण्यात आला. यावेळी प्रकाश भोईटे, सुभाष कोरे, पांडुरंग पाटील, जिजाऊ ब्रिगेडच्या अध्यक्षा अलका भोईटे, इंजिनिअर प्रज्ञा भोईटे, सुनील सुतार, सुभाष सुतार, शुभांगी सुतार आदी उपस्थित होते.
------------------------
फोटो ओळी : नेसरी (ता. गडहिंग्लज) येथे जटा निर्मूलनानंतर वैशाली सुतार यांचा प्रज्ञा भोईटे यांनी साडी-चोळी देऊन सत्कार केला. यावेळी प्रकाश भोईटे, अलका भोईटे, पांडुरंग पाटील, शुभांगी सुतार, सुभाष कोरे आदी उपस्थित होते. (आशपाक किल्लेदार)
क्रमांक : ०३०१२०२१-गड-१०