हातकणंगले : उद्योगधंद्यांवर होत असलेल्या परिणामांचे गांभीर्य लक्षात घेऊन लक्ष्मी औद्योगिक वसाहत येथील सर्व उद्योजक आणि कामगारांची लसीकरण मोहीम स्लिमाच्यावतीने राबविण्यात येत आहे. त्यांचा लाभ कामगार आणि उद्योजकांनी घ्यावा, असे आवाहन ‘स्लिमा’चे अध्यक्ष संजय मालू यांनी केले आहे.
कोरोनाच्या वाढत्या प्रादुर्भावामुळे स्लिमा आणि पार्श्व क्लिनिक यांच्या सहकार्याने लक्ष्मी औद्योगिक वसाहतीमधील उद्योजक व कामगारांसाठी शनिवारपासून लसीकरण कार्यक्रम सुरु करण्यात आला आहे. डॉ. श्रीधर जाधव, डॉ. अविनाश पाटील व डॉ. जी. एम. पाटील यांच्या पुढाकारातून औद्योगिक वसाहतीमध्ये लसीकरण मोहीम सुरू केली आहेे. यावेळी ‘स्लिमा’चे उपाध्यक्ष महेश दाते, खजिनदार मिलिंद पाटील, संचालक शीतल केटकाळे, श्यामसुंदर मर्दा, सचिव अजय मनवाडे, उद्योजक व कामगार उपस्थित होते.
फोटो - लक्ष्मी औद्योगिक वसाहतीमध्ये अध्यक्ष संजय मालू यांच्या उपस्थितीत लसीकरण मोहीम राबविण्यात आली. यावेळी डॉक्टर व कामगार उपस्थित होते.