पिसे यांनी दुचाकी राहत्या अपार्टमेंटच्या पार्किंगमध्ये लावली होती. ती अज्ञाताने बुधवारी रात्री चोरून नेली. या चोरीची फिर्याद जुना राजवाडा पोलीस ठाण्यात त्यांनी नोंदविली. तत्पूर्वीच संशयित म्हणून दिनेश भिलवडीकर या संशयितास करवीर पोलीस उपअधीक्षकांच्या पथकाने ताब्यात घेतले होते. त्याच्याकडे चौकशी करता पिसे यांची दुचाकी त्याच्याकडे मिळून आली. त्यानुसार संशयित भिलवडीकरविरोधात जुना राजवाडा पोलिसांत दुचाकी चोरीचा गुन्हा नोंद झाला.
कदमवाडीतून शेळीच्या पिलाची चोरी
कोल्हापूर : कदमवाडी परिसरात घराबाहेर सोडलेले शेळीचे पिल्लू अज्ञात दोन मोटारसायकल स्वारांनी चोरून नेले. याबाबतची फिर्यांद रोहित सुंदर शिंदे (वय २५, रा. अयोध्या गल्ली, कदमवाडी यांनी शाहूपुरी पोलीस ठाण्यात दिली.
फिर्यादी शिंदे यांनी आपल्या मालकीचे पाच महिन्यांचे शेळीचे पिल्लू गुरुवारी दुपारी घराबाहेर सोडले होते. दुपारी तीन वाजण्याच्यासुमारास मोटारसायकलवरून आलेल्या दोघा संशयितांनी ते पिल्लू पळवून नेले. याबाबतची फिर्यांद शिंदे यांनी शाहूपुरी पोलीस ठाण्यात दिली. त्यानुसार अज्ञात चोरट्यांविरोधात गुन्हा नोंद झाला. तपास अंमलदार पाटील करीत आहेत.