पोलिसांकडून मिळालेली माहिती अशी की, मंगळवारी दुपारी तीन महिला असेंब्ली रोडवर एका रिक्षात बसून दसरा चौकातील एम्पायर टॉवरनजीक त्या महिला उतरल्या. तेथून त्या तनिष्क ज्वेलर्समध्ये दागिने खरेदी करण्याच्या बहाण्याने गेल्या. तिघींनी काउंटरवरील सेल्समनला बोलण्यात गुंतवले. काही दागिने पसंत नसल्याचे सांगून नवनवीन दागिने दाखविण्यासाठी सेल्समनला भाग पाडले. त्यावेळी वेगळ्या डिझाईनचे दागिने आणण्यासाठी सेल्समन काउंटरवरून उठून शेजारच्या काउंटरवर गेला असता अवघ्या काही क्षणातच त्यापैकी एका महिलेने नजर चुकवून काउंटरवरील सोन्याच्या बांगड्यांची एक जोडी (दोन बांगड्या) अलगद उचलून दुसऱ्या महिलेच्या हातात दिल्या. तिने त्या आपल्या पर्समध्ये लपवून ठेवल्या. अवघ्या १२ मिनिटांत हा डाव आटोपता घेऊन त्या तिघीही महिला तेथून निघून गेल्या.
दरम्यान, ग्राहकाला दागिने दाखवून झाल्यानंतर ते पुन्हा ठेवताना सोन्याच्या बांगड्यांचे एक जोड कमी असल्याचे सेल्समनच्या लक्षात आले. त्यानंतर सेल्समनने ही बाब मालकाच्या निदर्शनास आणून दिली. त्यानंतर रात्री उशिरा ३७ ग्रॅम ७०० मिली वजनाच्या सोन्याच्या बांगड्या चोरीला गेल्याची तक्रार सेल्समन सतीश विलास यादव (रा. प्रयाग चिखली, ता. करवीर) यांनी लक्ष्मीपुरी पोलीस ठाण्यात दिली.
चोरीची माहिती मिळताच लक्ष्मीपुरी पोलिसांच्या पथकाने मध्यवर्ती बसस्थानक परिसरात जाऊन संशयित महिलांच्या शोधासाठी मोहीम राबवली.
सीसीटीव्ही कॅमेऱ्यात चोरीचा प्रकार कैद
तीन महिला काउंटरवरून सोन्याचे दागिने सेल्समनची नजर चुकवून कशा पद्धतीने चोरत होत्या याचे चित्रण तनिष्क ज्वेसर्सच्या शोरूममधील सीसीटीव्ही कॅमेऱ्यात कैद झाले आहे, त्यानुसार पोलीस संशयित महिलांचा तपास करत आहेत.
फोटो नं. ०५०१२०२१-कोल-चोरी०१,०२,०३
ओळ : कोल्हापुरात दसरा चौकातील तनिष्क ज्वेलर्समध्ये मंगळवारी दुपारी ग्राहक बनून आलेल्या तीन महिला चोरट्यांनी सोन्याच्या दोन बांगड्या हाताेहात लंपास केल्या.
फोटो नं. ०५०१२०२१-कोल-चोरी०४
ओळ : ग्राहक बनून आलेल्या तीन महिलांपैकी एक महिला चोर.