कोल्हापूर : विनापरवाना बेकायदा गोवा बनावटीचे विदेशी दारूचे बॉक्स भरून कोल्हापुरात आलेला टेम्पो स्थानिक गुन्हा अन्वेषणच्या पोलीस पथकाने पकडला. यामधील सुमारे दोन लाख ३२ हजार रुपये किमतीची विदेशी दारू व आलिशान चारचाकी वाहन असा सुमारे तीन लाख ८२ हजारांचा मुद्देमाल जप्त करण्यात आला. या प्रकरणी पोलिसांनी विजयकुमार विलास बनसोडे (वय २९, रा. मिठारी मळा, बोंद्रेनगर, कोल्हापूर) याला अटक केली. ही कारवाई बुधवारी पहाटेच्या सुमारास कोल्हापूर ते राधानगरी रोडवर हळदी फाटा येथे केली.
पोलिसांनी दिलेली माहिती अशी की, जिल्ह्यातील अवैध व्यवसायावर कारवाईचे आदेश पोलीस अधीक्षक शैलेश बलकवडे यांनी दिले. त्या आदेशानुसार स्थानिक गुन्हे अन्वेषणचे पोलीस निरीक्षक तानाजी सावंत यांनी अवैध धंद्यावरील कारवाईसाठी विविध पथके तयार केली. कोल्हापूर ते राधानगरी मार्गावरून हळदी मार्गे एक चारचाकी वाहन मध्यरात्रीच्या सुमारास विनापरवाना बेकायदा गोवा बनावटीचे विदेशी दारूचे बॉक्स घेऊन येणार असल्याची माहिती पोलीस अंमलदार विजय कारंडे यांना मिळाली. वरिष्ठांच्या मार्गदर्शनानुसार पोलिसांनी सापळा रचून हळदी फाटा येथे हे चारचाकी वाहन पकडले. त्यामधून दोन लाख ३२ हजार रुपये किमतीचे दारूचे बॉक्स जप्त केले. दारू व वाहन असा सुमारे तीन लाख ८२ हजारांचा मुद्देमाल जप्त केला. चालक विजयकुमार बनसोडे याला अटक केली. त्याच्यावर करवीर पोलीस ठाण्यात गुन्हा नोंद झाला आहे.
ही कारवाई पो. नि. तानाजी सावंत यांच्या मार्गदर्शनाखाली उपनिरीक्षक विनायक सपाटे, विजय कारंडे, सचिन देसाई, संतोष पाटील, कुमार पोतदार, किरण गावडे, राजेंद्र वरंडेकर यांनी केली.
फोटो नं, ०५०५२०२१-कोल-पोलीस०१
ओळ : स्थानिक गुन्हे अन्वेषण पोलीस पथकाने हळदी फाटा (ता. करवीर) येथे बुधवारी पहाटेच्या सुमारास सापळा रचून बेकायदा गोवा बनावटी विदेशी दारूचे बॉक्स वाहतूक करताना पकडले.
फोटो नं, ०५०५२०२१-कोल-विजयकुमार बनसोडे (आरोपी)
===Photopath===
050521\05kol_9_05052021_5.jpg
===Caption===
फोटो नं, ०५०५२०२१-कोल-पोलीस०१ओळ : स्थानिक गुन्हे अन्वेषण पोलीस पथकाने हळदी फाटा (ता. करवीर) येथे बुधवारी पहाटेच्या सुमारास सापळा रचून बेकायदा गोवा बनावटी विदेशी दारुचे बॉक्स वाहतुक करताना पकडले.फोटो नं, ०५०५२०२१-कोल-विजयकुमार बनसोडे(आरोपी)