अनिल पाटील
सरूड - सह्याद्री व्याघ्र प्रकल्पामध्ये पर्यटनाचा आनंद घेण्यास जाणाऱ्या पर्यटकांना आता वाढीव पर्यटन शुल्काचा भुर्दंड सोसावा लागणार आहे . या व्याघ्र प्रकल्पातील पर्यटक शुल्कात तब्बल तिपटीने वाढ करण्यात आली आहे . यापुर्वी प्रति पर्यटक तीस रु आकारला जाणार पर्यटक कर आता प्रति पर्यटक शंभर रु प्रमाणे आकारण्यात येणार आहे . तर १२ वर्षाखालील लहान पर्यटक , गाईड , वाहन कर , कॅमेरा शुल्क या मध्येही मोठी वाढ करण्यात आली आहे . या शुल्क वाढीने पर्यटकांच्यातुन तीव्र नाराजी व्यक्त होत आहे.
सह्याद्री व्याघ्र राखीव नियामक मंडळाची बैठक नुकतीच मुख्यमंत्री उद्धव ठाकरे यांच्या अध्यक्षते खाली पार पडली . वनसंरक्षक तथा क्षेत्रपाल संचालक सह्याद्री व्याघ्र प्रकल्प कोल्हापूर यांच्या कार्यालयाकडुन बैठकीचे इतिवृत्त पाठविण्यात आले आहे . यामध्ये पर्यटन शुल्काच्या वाढीव दरास नियामक मंडळाकडुन मंजूरी देण्यात आली आहे . त्यानुसार हे दर वाढविण्यात आल्याची माहिती चांदोली चे वनक्षेत्रपाल ( वन्यजीव ) नंदकुमार नलवडे यांनी दिली .
या व्याघ्र प्रकल्पात कोल्हापूर , सांगली , सातारा जिल्ह्या सह इतर जिल्ह्यांतील पर्यटकंही पर्यटनासाठी मोठ्या संख्येने येत असतात . विशेषता सुट्टीच्या दिवशी येथे पर्यटकांची मोठी गर्दी असते . लहान मुलापासुन अबाल वृद्धा पर्यंतचे पर्यटक येथे पर्यटनाचा आनंद लुटतात . यापुढे या सर्व पर्यटकांन वाढीव शुल्काचा भुर्दंड सहन करावा लागणार आहे . पर्यटन वाढीव शुल्क खालील प्रमाणे तपशील = पूर्वीचे दर = आताचे दर
१ ) १२ वर्षावरील पर्यटक = ३० रु = १०० रु
२) १२ वषीखाली पर्यटक = १५ रु = ५० रु
३) गाईड फी = २०० रु = २५० रु
४) वाहन शुल्क = १५० रु = २०० रु
५) कॅमेरा शुल्क = ५० रु = १०० रु