कोल्हापूर : विविध क्षेत्रांत गेल्या वर्षभरात राष्ट्रीय, आंतरराष्ट्रीय पातळ्यांवर यश मिळविलेल्या कोल्हापुरातील नामवंतांचा ‘ब्रँड कोल्हापूर’ संकल्पनेअंतर्गत आज, शनिवारी सकाळी १० वाजता हॉटेल सयाजीमध्ये सत्कार होणार आहे. या कार्यक्रमास नगरविकास विभागाचे प्रधान सचिव भूषण गगराणी, पालकमंत्री सतेज पाटील, आमदार ऋतुराज पाटील प्रमुख उपस्थित असणार आहेत.
कला, क्रीडा, शैक्षणिक, सांस्कृतिक, औद्योगिक क्षेत्रांत कोल्हापूर हे नेहमीच अग्रेसर राहिले आहे. विविध क्षेत्रांतील नामवंतांनी देदीप्यमान यश मिळवून राष्ट्रीय आणि आंतररराष्ट्रीय पातळीवर कोल्हापूरच्या नावलौकिकात भर घातली आहे. या नामवंतांकडे त्यांच्या क्षेत्रातील टॅलेंट आहे. ते कोल्हापूरसाठी एक ब्रँड आहेत. या कोल्हापुरी ब्रँडची चर्चा सर्वदूर होणे आवश्यक आहे. या गोष्टी लक्षात घेऊन पालकमंत्री सतेज पाटील यांनी ‘ब्रँड कोल्हापूर’ ही संकल्पना पुढे आणली आहे. राष्ट्रीय, आंतरराष्ट्रीय स्तरावर यश मिळवलेल्या कोल्हापुरातील नामवंतांचा सन्मान या संकल्पनेअंतर्गत गेल्या तीन वर्षांपासून करण्यात येत आहे.
फोटो (०४१२२०२०-कोल-ब्रँड कोल्हापूर)