कोल्हापूर : शहर व उपनगरातून दोन दुचाकी व एका किमती सायकलची अज्ञातानी चोरी केल्याचा प्रकार घडला.
गजानन तुकाराम कांबळे (वय ५६, रा. गावभाग, सिद्धार्थ नगर, सांगली) हे कोल्हापुरात संत गोरा कुंभार वसाहतीत राहणारी आपली बहीण सरस्वती उदय घुणकीकर यांच्याकडे आले होते. त्यावेळी बहिणीच्या घरासमोर उभी केलेली कांबळे यांची दुचाकी अज्ञाताने लॉक तोडून अथवा बनावट चावीचा वापर करून चोरून नेली. याबाबत त्यांनी शाहूपुरी पोलीस ठाण्यात चोरीची तक्रार दिली.
लक्ष्मीपुरीतील मे. श्रेयस प्रकाश कापसे यांच्या दुकानासमोर उभी केली दुचाकी अज्ञातांनी चोरून नेली. याबाबत दुचाकी मालक नामदेव सुभाष फराकटे (वय ६६, रा. हस्तीनापूर नगरी, कळंबा, ता. करवीर) यांनी लक्ष्मीपुरी पोलिसात तक्रार दिली आहे.
सम्राट नगर येथे पांडुरंग अपार्टमेंटच्या कंपाऊंडच्या आत रिकाम्या जागेत उघड्यावर उभी केली सुमारे १४ हजार रुपयांची सायकल अज्ञाताने चोरून नेली. याबाबत संजीत संतोष चव्हाण (रा. पांडुरंग आपारमेंट, सम्राट नगर, कोल्हापूर, मूळगाव निपाणी, बेळगाव) यांनी सायकल चोरीची तक्रार राजारामपुरी पोलिसात दिली आहे.