नांगरगाववाडी (ता.भुदरगड) येथील डाॅ. उत्तम तुकाराम तानवडे यांनी लिहिलेल्या 'गांभीर्याने घ्या कोरोनाला' या वात्राटिकेला राज्यस्तरीय वात्रटिका स्पर्धेत प्रथम क्रमांक मिळाला. तानवडे हे सध्या जिल्हा परिषद प्राथमिक शाळा वायंगणतड ता.दोडामार्ग जि. सिंधुदुर्ग येथे शिक्षक म्हणून कार्यरत आहेत.
महाराष्ट्राचे माजी मुख्यमंत्री यशवंतराव चव्हाण यांच्या जयंतीनिमित्त पुणे येथील यशवंतराव चव्हाण प्रतिष्ठान यांच्यावतीने आयोजित केलेल्या राज्यस्तरीय वात्रटिका स्पर्धेत डाॅ. उत्तम तुकाराम तानवडे यांनी 'गांभीर्याने घ्या कोरोनाला' या विषयावर लिहिलेल्या व ऑनलाइन सादर केलेल्या वात्रटिकेला प्रथम क्रमांक मिळाला. यापूर्वीही त्यांनी निबंध लेखनासह विविध स्पर्धांमध्ये यश प्राप्त केले आहे. त्यांचे अभिनंदन होत आहे.
फोटो ओळ १८ उत्तम तानवडे