गडमुडशिंगी येथील नीलेश अंतु माळगे (वय ४५) हे सेंट्रिंग व्यवसाय करत होते. ते पत्नी आणि दोन मुलांसह स्मशानभूमीनजीकच्या परिसरात राहत होते. त्यांना दारूचे व्यसन होते. शनिवारी दुपारी ते जेवण करून घरातून बाहेर निघून गेले होते. येथील मराठा चौकात एका मंडळाच्या खोलीचे बांधकाम सुरू आहे. एका व्यक्तीचा मृतदेह त्या ठिकाणी पडलेला काहींना आढळला. त्या मृतदेहाला मुंग्या लागल्या होत्या तर तोंडातून मोठ्या प्रमाणात रक्तस्राव झाल्याचे दिसून आले. ग्रामस्थांबरोबरच पोलीस ही घटनास्थळी दाखल झाले. हा मृतदेह नीलेश माळगे यांचा असल्याचे ओळख पटली. शनिवार आणि रविवार दोन दिवस माळगे कुटुंबांने नीलेश यांचा शोध घेतला पण ते सापडले नव्हते. हा अपघात आहे की घातपात याचा पोलीस शोध घेत आहेत. रुग्णवाहिकेतून मृतदेह उत्तरीय तपासणीसाठी सीपीआर रुग्णालयात पाठवण्यात आला. शवविच्छेदनानंतर व्हिसेरा राखून ठेवण्यात आला आहे
फोटो - मयत निलेश माळगे