कोल्हापूर : चित्रपट दिग्दर्शक यशवंत भालकर यांच्या द्वितीय स्मृतिदिनानिमित्त आयोजित यशवंत कार्यशाळा उत्साहात झाली. कार्यशाळाचे उद्घाटन उद्योगपती बाळासाहेब कडोलीकर यांच्या हस्ते झाले.
अभिनेते नितीन कुलकर्णी, चित्रपट महामंडळचे उपाध्यक्ष धनाजी यमकर यांनी नटराज पूजन केले. यावेळी इम्तियाज बारगीर, रेखा भालकर, संजय भालकर उपस्थित होते. नीशा शहापुरे व मनाली संकपाळ यांनी ‘पैज लग्नाची’ या चित्रपटातील गाण्यावर कथ्थक नृत्य सादर केले. नितीन कुलकर्णी यांनी चित्रपट अभिनय, नाट्य अभिनय, देहबोली अभिनय तसेच आॕॅडिशन्सला जाण्यापूर्वीची युवा कलाकारांची तयारी यावर मार्गदर्शन केले. नृत्यदिग्दर्शक कृष्णा खत्री यांनी वेस्टर्न डान्समधील ओल्ड स्कूल हिपाॕॅप स्टाईल बेसिक स्टेपचे नृत्य शिकविले. माजी नगरसेवक नंदकुमार मोरे यांनी यशवंत भालकर यांचे शिल्पकृतीचे काम व पायाभरणीचा कार्यक्रम लवकरच पूर्ण होईल, असे सांगितले. सपना भालकर व संदीप भालकर यांनी स्वागत केले. प्रियांका कुंभार, आकाश लिगाडे, भूषण पाठक, करण गायकवाड, रसिका भालकर यांनी संयोजन केले.
---
फोटो नं २११२२०२०-कोल-यशवंत कार्यशाळा
ओळ : कोल्हापूरचे ज्येष्ठ दिग्दर्शक यशवंत भालकर यांच्या द्वितीय स्मृतिदिनानिमित्त आयोजित यशवंत कार्यशाळा उत्साहात झाली.
---
इंदुमती गणेश